Zaburi 97

1BWANA ni Mfalme! Nchi na ifurahi, na pwani nyingi za mbali zisherehekee. 2Mawingu na giza zito vinamzunguka; kiti chake cha enzi kimejengwa juu ya haki na hukumu. 3Moto unatangulia mbele yake na kuwachoma adui zake kila upande. 4Ulimwengu unaangazwa na mmweko wa umeme wake; nchi inauona na kutetemeka. 5Mbele za BWANA milima inalainika kama nta, mbele za Bwana wa dunia nzima. 6Anga zinatangaza kwamba yeye ni mwenye haki, na kila taifa linaona utukufu wake. 7Kila anayetumikia sanamu za kuchonga na aaibishwe, wote wanaojigamba kwa miungu isiyo na thamani; inameni mbele yake, enyi miungu yote! 8Sayuni inasikia habari hiyo na kujaa furaha; miji ya Yuda inasherehekea matendo yako ya haki, Ee BWANA. 9Kwa maana ni wewe, Ee BWANA, uliye Juu Kabisa juu ya dunia nzima; umeinuliwa juu sana ya kila mungu. 10Ninyi nyote mnaompenda BWANA, yachukieni maovu! Yeye huyalinda maisha ya watu wake waaminifu na kuwaokoa kutoka katika nguvu za waovu. 11Nuru imetawanywa kama mbegu kwa ajili ya wenye haki, na furaha kwa wale ambao mioyo yao ni ya kweli. 12Furahini katika BWANA, enyi watu wenye haki, na mshukuruni, mkilikumbuka jina lake takatifu.