Zaburi 9

1Nitamshukuru BWANA kwa moyo wangu wote; nitasimulia mambo yote ya ajabu uliyoyatenda. 2Nitafurahi na kusherehekea kwa sababu yako; nitaliimbia jina lako sifa, Ee Aliye Juu Kabisa. 3Adui zangu wanapogeuka na kurudi nyuma, wanajikwaa na kuangamizwa mbele yako. 4Kwa maana wewe umeichukua kesi yangu na kunipa haki; uliketi kwenye kiti chako cha enzi kama mwamuzi anayetenda haki. 5Umeyakemea mataifa na kuwaangamiza waovu; umelifuta jina lao kwa nyakati zote. 6Adui amekwisha, ameachwa magofu milele; umeing’oa miji yao kwa mizizi, na hakuna anayewakumbuka sasa. 7Lakini BWANA anabaki kwenye kiti chake cha enzi milele; ni kiti alichokiweka ili ahukumu kutoka hapo. 8Atauhukumu ulimwengu kwa haki na kuwatawala watu kwa usawa. 9BWANA ni ngome iliyo juu milimani kwa wale wanaopondwa, mahali salama pa juu nyakati za taabu. 10Wale walijuao jina lako watakutegemea, kwa sababu huwaachi wale wanaokuja kukutafuta, Ee BWANA. 11Mpigieni BWANA muziki, ambaye kiti chake cha enzi kiko Sayuni! Tangazeni matendo yake kati ya watu. 12Kwa maana Mungu anayewawajibisha wauaji anawakumbuka walioonewa; hajapuuza kilio cha wale wanaoteseka. 13Unihurumie, Ee BWANA! Uone jinsi adui zangu wanavyonitesa, wewe unayeniinua kutoka malango ya mauti, 14ili katika malango ya mji wa Sayuni niseme sababu zote unazosifiwa, na kufurahi kwamba umeniokoa. 15Mataifa yamezama ndani ya shimo lile lile walilolichimba; wavu walioutega kwa siri umeinasa miguu yao wenyewe. 16BWANA amejijulisha kwa kutenda haki: anawanasa waovu katika kazi ya mikono yao wenyewe. Higayoni. Sela 17Waovu watashuka tena Kuzimu, kila taifa linalomsahau Mungu. 18Kwa maana mhitaji hatasahauliwa siku zote, wala tumaini la maskini halitapotea milele. 19Simama, Ee BWANA! Usiwaache wanadamu tu washinde. Uyalete mataifa hukumuni mbele yako. 20Uwajaze hofu, Ee BWANA, na mataifa yatambue kwamba wao si kitu ila wanadamu. Sela