Banzembo 137

¹Ezalaki biso ya kovanda pembeni ya bibale ya Babiloni, tozalaki kolela na tozalaki kokanisa Siona.

²Todiembikaki mandanda na biso na banzete ya pepiliye ya etuka yango.

³Kuna, bato oyo bamemaki biso na bowumbu bazalaki kosenga biso banzembo; mpe banyokoli na biso bazalaki kosenga biso ete tozala na esengo. Bazalaki koloba: « Boyembela biso banzembo ya Siona! »

⁴Tokoyemba banzembo ya Yawe ndenge nini na mabele ya bapaya?

⁵Oh Yelusalemi, soki nabosani yo, wana tika ete loboko na ngai ya mobali elemba!

⁶Soki natiki penza kokanisa yo, Yelusalemi, soki natie yo te liboso ya esengo nyonso, wana tika ete lolemo na ngai ekangama kati na monoko na ngai!

⁷Yawe, kobosana te bato ya Edomi oyo basekaki Yelusalemi na mokolo na yango ya mawa; bazalaki koganga: « Bobuka yango, bobuka kino na miboko na yango! »

⁸Babiloni, engumba kitoko, yo oyo okobebisama solo, esengo na moto oyo akozongisela yo mabe na mabe oyo osalaki biso!

⁹Esengo na moto oyo akokanga bana na yo mpe akonika bango na libanga!