Mwanzo 36

1Hii ndiyo habari ya jamaa ya Esau, yaani Edomu. 2Esau alioa wanawake wa Kanaani: Ada binti Eloni Mhiti, Oholibama binti Ana, mjukuu wa Sibeoni Mhivi, 3na Basemathi binti Ishmaeli, dada yake Nebayothi. 4Ada alimzalia Esau mwana, Elifazi, naye Basemathi akamzaa Reueli. 5Oholibama alimzaa Yeushi, Yalamu na Kora. Hao ndio wana wa Esau, waliozaliwa kwake katika nchi ya Kanaani. 6Esau aliwachukua wake zake, wanawe na binti zake, watu wote wa nyumba yake, makundi yake ya mifugo na wanyama wake wote, pamoja na mali yote aliyokuwa amejipatia huko Kanaani, akaenda nchi nyingine, mbali na ndugu yake Yakobo. 7Walikuwa na mali nyingi mno wasiweze kuishi pamoja; nchi waliyokaa kama wageni haikuweza kulisha mifugo yao yote. 8Hivyo Esau akaishi katika nchi ya milima ya Seiri. Esau ndiye Edomu. 9Hii ndiyo habari ya jamaa ya Esau, babu wa Waedomu, katika nchi ya milima ya Seiri. 10Haya ndiyo majina ya wana wa Esau: Elifazi, mwana wa Ada mke wa Esau, na Reueli, mwana wa Basemathi mke wa Esau. 11Wana wa Elifazi walikuwa Temani, Omari, Sefo, Gatamu na Kenazi. 12Timna, suria wa Elifazi mwana wa Esau, alimzalia Amaleki. Hao ndio wazao wa Ada mke wa Esau. 13Wana wa Reueli walikuwa Nahathi, Zera, Shama na Miza. Hao ndio wazao wa Basemathi mke wa Esau. 14Wana wa Oholibama mke wa Esau, binti Ana na mjukuu wa Sibeoni, walikuwa Yeushi, Yalamu na Kora, ambao alimzalia Esau. 15Hawa ndio wakuu wa koo kati ya wazao wa Esau. Kutoka kwa wana wa Elifazi, mzaliwa wa kwanza wa Esau, walitoka wakuu Temani, Omari, Sefo, Kenazi, 16Kora, Gatamu na Amaleki. Hao ndio wakuu waliotoka kwa Elifazi katika nchi ya Edomu, wazao wa Ada. 17Kutoka kwa wana wa Reueli mwana wa Esau walitoka wakuu Nahathi, Zera, Shama na Miza. Hao ndio wakuu waliotoka kwa Reueli katika nchi ya Edomu, wazao wa Basemathi mke wa Esau. 18Kutoka kwa wana wa Oholibama mke wa Esau walitoka wakuu Yeushi, Yalamu na Kora. Hao ndio wakuu waliotoka kwa Oholibama mke wa Esau, binti Ana. 19Hao ndio wana wa Esau, yaani Edomu, na hao ndio wakuu wao.

20Hawa ndio wana wa Seiri Mhori, watu waliokuwa wakiishi katika nchi ile tangu zamani: Lotani, Shobali, Sibeoni, Ana, 21Dishoni, Ezeri na Dishani. Hao ndio wakuu wa Wahori, wana wa Seiri katika nchi ya Edomu. 22Wana wa Lotani walikuwa Hori na Hemamu, na dada yake Lotani alikuwa Timna. 23Wana wa Shobali walikuwa Alvani, Manahathi, Ebali, Shefo na Onamu. 24Wana wa Sibeoni walikuwa Aya na Ana. Huyu ndiye Ana aliyegundua chemchemi za maji moto jangwani alipokuwa akichunga punda wa baba yake Sibeoni. 25Watoto wa Ana walikuwa Dishoni na Oholibama, binti yake Ana. 26Wana wa Dishoni walikuwa Hemdani, Eshbani, Ithrani na Kerani. 27Wana wa Ezeri walikuwa Bilhani, Zaavani na Akani. 28Wana wa Dishani walikuwa Usi na Arani. 29Hawa ndio wakuu wa Wahori: Lotani, Shobali, Sibeoni, Ana, 30Dishoni, Ezeri na Dishani. Hao ndio wakuu wa Wahori, ukoo kwa ukoo, katika nchi ya Seiri.

31Hawa ndio wafalme waliotawala Edomu kabla mfalme yeyote hajawatawala Waisraeli: 32Bela mwana wa Beori alikuwa mfalme katika Edomu; mji wake uliitwa Dinhaba. 33Bela alipokufa, Yobabu mwana wa Zera, wa Bosra, akawa mfalme mahali pake. 34Yobabu alipokufa, Hushamu wa nchi ya Watemani akawa mfalme mahali pake. 35Hushamu alipokufa, Hadadi mwana wa Bedadi, aliyewashinda Wamidiani vitani katika nchi ya Moabu, akawa mfalme mahali pake. Mji wake uliitwa Avithi. 36Hadadi alipokufa, Samla wa Masreka akawa mfalme mahali pake. 37Samla alipokufa, Shauli wa Rehobothi iliyo karibu na Mto akawa mfalme mahali pake. 38Shauli alipokufa, Baal-hanani mwana wa Akbori akawa mfalme mahali pake. 39Baal-hanani mwana wa Akbori alipokufa, Hadari akawa mfalme mahali pake. Mji wake uliitwa Pau, na mkewe alikuwa Mehetabeli binti Matredi, mjukuu wa Mezahabu. 40Haya ndiyo majina ya wakuu waliotoka kwa Esau, wameorodheshwa kwa koo na maeneo yao, kila mmoja kwa jina lake: Timna, Alva, Yethethi, 41Oholibama, Ela, Pinoni, 42Kenazi, Temani, Mibsari, 43Magdieli na Iramu. Hao ndio wakuu wa Edomu, kwa makao yao katika nchi waliyoimiliki. Huyo ndiye Esau, babu wa Waedomu.