Mwanzo 10

1Hii ndiyo habari ya jamaa za wana wa Nuhu, Shemu, Hamu na Yafethi. Baada ya gharika wakazaa wana. 2Wana wa Yafethi walikuwa Gomeri, Magogu, Madai, Yavani, Tubali, Mesheki na Tirasi. 3Wana wa Gomeri walikuwa Ashkenazi, Rifathi na Togarma. 4Wana wa Yavani walikuwa Elisha, Tarshishi, Wakitimu na Wadodanimu. 5Kutoka kwa hawa watu wa pwani na visiwani walienea katika nchi zao wenyewe, kila taifa na lugha yake, kwa koo zao na mataifa yao. 6Wana wa Hamu walikuwa Kushi, Misri, Puti na Kanaani. 7Wana wa Kushi walikuwa Seba, Havila, Sabta, Raama na Sabteka. Wana wa Raama walikuwa Sheba na Dedani. 8Kushi alikuwa baba wa Nimrodi, aliyekuwa shujaa mkuu wa kwanza duniani. 9Alikuwa mwindaji hodari mbele za BWANA; ndiyo sababu watu husema, “Kama Nimrodi, mwindaji hodari mbele za BWANA.” 10Ufalme wake ulianzia Babiloni, Ereki, Akadi na Kalne, katika nchi ya Shinari. 11Kutoka nchi ile alikwenda Ashuru, ambako alijenga Ninawi, Rehobothi-Iri, Kala 12na Reseni, ulio kati ya Ninawi na Kala; huo ndio mji ule mkubwa. 13Misri alikuwa babu wa Waludi, Waanami, Walehabi, Wanaftuhi, 14Wapathrusi, Wakasluhi (ambao ndio asili ya Wafilisti) na Wakaftori.

15Kanaani alikuwa baba wa Sidoni, mzaliwa wake wa kwanza, na wa Hethi, 16na wa Wayebusi, Waamori, Wagirgashi, 17Wahivi, Waarki, Wasini, 18Waarvadi, Wasemari na Wahamathi. Baadaye koo za Wakanaani zilienea, 19na mpaka wa Kanaani ulienea kutoka Sidoni kuelekea Gerari hadi Gaza, kisha kuelekea Sodoma, Gomora, Adma na Seboimu, hadi Lasha. 20Hawa ndio wazao wa Hamu, kwa koo zao na lugha zao, katika nchi zao na mataifa yao.

21Shemu naye alizaa wana; yeye alikuwa ndugu mkubwa wa Yafethi, na babu wa wana wote wa Eberi. 22Wana wa Shemu walikuwa Elamu, Ashuru, Arfaksadi, Ludi na Aramu. 23Wana wa Aramu walikuwa Usi, Huli, Getheri na Mashi. 24Arfaksadi alikuwa baba wa Shela, na Shela alikuwa baba wa Eberi. 25Eberi alizaa wana wawili. Mmoja aliitwa Pelegi, kwa sababu wakati wake dunia iligawanyika. Ndugu yake aliitwa Yoktani. 26Yoktani alikuwa baba wa Almodadi, Shelefu, Hasarmawethi, Yera, 27Hadoramu, Uzali, Dikla, 28Obali, Abimaeli, Sheba, 29Ofiri, Havila na Yobabu. Hao wote walikuwa wana wa Yoktani. 30Eneo walimoishi lilienea kutoka Mesha kuelekea Sefari, katika nchi ya milima ya mashariki. 31Hawa ndio wazao wa Shemu, kwa koo zao na lugha zao, katika nchi zao na mataifa yao. 32Hizi ndizo koo za wana wa Nuhu, kwa vizazi vyao, katika mataifa yao. Kutoka kwao mataifa yalienea duniani kote baada ya gharika.