1 Mambo ya Nyakati 9

1Israeli wote waliandikwa katika orodha za ukoo, nao wameandikwa katika Kitabu cha Wafalme wa Israeli. Yuda walichukuliwa uhamishoni Babeli kwa sababu ya kukosa uaminifu kwao.

2Wa kwanza kurudi kukaa katika mali zao wenyewe katika miji yao walikuwa Waisraeli, makuhani, Walawi na watumishi wa hekalu. 3Baadhi ya wazao wa Yuda, Benyamini, Efraimu na Manase waliishi Yerusalemu: 4Kutoka Yuda: Uthai mwana wa Amihudi, mwana wa Omri, mwana wa Imri, mwana wa Bani, mzao wa Peresi mwana wa Yuda. 5Kutoka kwa Washiloni: Asaya mzaliwa wa kwanza na wanawe. 6Kutoka kwa wazao wa Zera: Yeueli. Jamaa zao walikuwa 690. 7Kutoka kwa wazao wa Benyamini: Salu mwana wa Meshulamu, mwana wa Hodavia, mwana wa Hasenua, 8Ibneya mwana wa Yerohamu; Ela mwana wa Uzi, mwana wa Mikri; na Meshulamu mwana wa Shefatia, mwana wa Reueli, mwana wa Ibnia, 9na jamaa zao, kama walivyoandikwa katika orodha zao za ukoo, walikuwa 956. Wanaume hao wote walikuwa vichwa vya jamaa katika nyumba za baba zao.

10Kutoka kwa makuhani: Yedaya, Yehoyaribu, Yakini, 11Azaria mwana wa Hilkia, mwana wa Meshulamu, mwana wa Sadoki, mwana wa Merayothi, mwana wa Ahitubu, msimamizi mkuu wa nyumba ya Mungu,

12Adaya mwana wa Yerohamu, mwana wa Pashuri, mwana wa Malkiya; Maasai mwana wa Adieli, mwana wa Yahzera, mwana wa Meshulamu, mwana wa Meshilemithi, mwana wa Imeri; 13na jamaa zao, vichwa vya jamaa za baba zao, 1,760 kwa jumla. Walikuwa watu wenye uwezo mkubwa kwa kazi ya huduma katika nyumba ya Mungu. 14Kutoka kwa Walawi: Shemaya mwana wa Hashubu, mwana wa Azrikamu, mwana wa Hashabia, mzao wa Merari; 15Bakbakari, Hereshi, Galali; Matania mwana wa Mika, mwana wa Zikri, mwana wa Asafu; 16Obadia mwana wa Shemaya, mwana wa Galali, mwana wa Yeduthuni; na Berekia mwana wa Asa, mwana wa Elkana, aliyeishi katika vijiji vya Wanetofathi. 17Mabawabu walikuwa Shalumu, Akubu, Talmoni na Ahimani. Jamaa yao Shalumu alikuwa mkuu wao, 18na mpaka leo yeye amewekwa kwenye Lango la Mfalme upande wa mashariki. Hao ndio waliokuwa mabawabu wa kambi za Walawi. 19Shalumu mwana wa Kore, mwana wa Ebiasafu, mwana wa Kora, pamoja na jamaa zake wa nyumba ya baba yake, Wakora, walisimamia kazi ya huduma kama walinzi wa vizingiti vya hema, kama vile babu zao walivyosimamia kambi ya BWANA kama walinzi wa maingilio. 20Finehasi mwana wa Eleazari alikuwa amewasimamia hapo zamani, na BWANA alikuwa pamoja naye. 21Zekaria mwana wa Meshelemia alikuwa bawabu kwenye maingilio ya Hema la Kukutania. 22Wote waliochaguliwa kuwa mabawabu kwenye vizingiti walikuwa 212. Waliandikwa katika orodha za ukoo katika vijiji vyao. Daudi na Samweli mwonaji ndio waliowaweka katika nafasi hizo za kuaminiwa. 23Basi wao na wazao wao walisimamia ulinzi wa malango ya nyumba ya BWANA, nyumba iliyokuwa hema. 24Mabawabu walikuwa pande zote nne: mashariki, magharibi, kaskazini na kusini. 25Jamaa zao katika vijiji vyao walipaswa kuja mara kwa mara kuhudumu pamoja nao kwa siku saba. 26Kwa maana wakuu wanne wa mabawabu, waliokuwa Walawi, walikuwa na nafasi ya kudumu ya kuaminiwa. Walisimamia vyumba na hazina za nyumba ya Mungu. 27Walikesha usiku kandokando ya nyumba ya Mungu, kwa sababu walikuwa na wajibu wa kuilinda, nao walisimamia ufunguo wa kuifungua kila asubuhi. 28Baadhi yao walisimamia vyombo vilivyotumika katika huduma; walivihesabu walipovileta ndani na walipovitoa nje. 29Wengine waliwekwa kusimamia samani na vyombo vyote vitakatifu vya mahali patakatifu, na unga laini, divai, mafuta, ubani na manukato. 30Lakini baadhi ya makuhani ndio waliotayarisha mchanganyiko wa manukato. 31Matithia, mmoja wa Walawi na mzaliwa wa kwanza wa Shalumu Mkora, alikabidhiwa kazi ya kuoka maandazi. 32Baadhi ya jamaa zao, Wakohathi, walisimamia mikate iliyopangwa kwa safu, wakiitayarisha kila Sabato.

33Hawa ndio waimbaji, vichwa vya jamaa za Walawi, waliokaa katika vyumba vya hekalu na kuachiliwa kazi nyingine, kwa sababu walikuwa kazini mchana na usiku. 34Hao walikuwa vichwa vya jamaa za Walawi, viongozi walioandikwa katika orodha zao za ukoo, nao waliishi Yerusalemu.

35Yeieli baba wa Gibeoni aliishi Gibeoni, na mke wake aliitwa Maaka. 36Mwanawe mzaliwa wa kwanza alikuwa Abdoni, kisha Suri, Kishi, Baali, Neri, Nadabu, 37Gedori, Ahio, Zekaria na Miklothi. 38Miklothi alikuwa baba wa Shimeamu. Hao nao waliishi karibu na jamaa zao huko Yerusalemu, pamoja na ndugu zao.

39Neri alikuwa baba wa Kishi, Kishi alikuwa baba wa Sauli, na Sauli alikuwa baba wa Yonathani, Malki-shua, Abinadabu na Esh-baali. 40Mwana wa Yonathani alikuwa Merib-baali, na Merib-baali alikuwa baba wa Mika. 41Wana wa Mika: Pithoni, Meleki na Tahrea. 42Ahazi alikuwa baba wa Yara, Yara alikuwa baba wa Alemethi, Azmawethi na Zimri, na Zimri alikuwa baba wa Mosa. 43Mosa alikuwa baba wa Binea; mwana wa Binea alikuwa Refaya, mwanawe Eleasa, na mwanawe Aseli. 44Aseli alikuwa na wana sita, ambao majina yao yalikuwa Azrikamu, Bokeru, Ishmaeli, Shearia, Obadia na Hanani. Hao walikuwa wana wa Aseli.