1 Mambo ya Nyakati 4

1Wana wa Yuda: Peresi, Hesroni, Karmi, Huri na Shobali. 2Reaya mwana wa Shobali alikuwa baba wa Yahathi, na Yahathi alikuwa baba wa Ahumai na Lahadi. Hizo ndizo zilizokuwa koo za Wasorathi.

3Hawa walikuwa wana wa baba wa Etamu: Yezreeli, Ishma na Idbashi. Dada yao aliitwa Haselelponi. 4Penueli alikuwa baba wa Gedori, na Ezeri baba wa Husha. Hao ndio waliokuwa wana wa Huri, mzaliwa wa kwanza wa Efrata na baba wa Bethlehemu. 5Ashhuri baba wa Tekoa alikuwa na wake wawili, Hela na Naara. 6Naara alimzalia Ahuzamu, Heferi, Temeni na Haahashtari. Hao ndio waliokuwa wana wa Naara. 7Wana wa Hela: Serethi, Sohari na Ethnani. 8Kosi alikuwa baba wa Anubu na Sobeba, na wa koo za Aharheli mwana wa Harumu. 9Yabesi aliheshimiwa kuliko ndugu zake. Mama yake alikuwa amempa jina Yabesi, kwa maana alisema, “Nilimzaa kwa uchungu.” 10Yabesi alimwomba Mungu wa Israeli: “Laiti ungenibariki sana na kupanua mpaka wangu! Laiti mkono wako ungekuwa pamoja nami, nawe ukanilinda na madhara, yasije yakaniumiza!” Naye Mungu akampa kile alichoomba. 11Kelubu ndugu wa Shuha alikuwa baba wa Mehiri, aliyekuwa baba wa Eshtoni. 12Eshtoni alikuwa baba wa Beth-rafa, Pasea, na Tehina baba wa Ir-nahashi. Hao ndio waliokuwa watu wa Reka.

13Wana wa Kenazi: Othnieli na Seraya. Wana wa Othnieli: Hathathi. 14Meonothai alikuwa baba wa Ofra. Seraya alikuwa baba wa Yoabu, baba wa Ge-harashimu, yaani Bonde la Mafundi, kwa maana watu wake walikuwa mafundi.

15Wana wa Kalebu mwana wa Yefune: Iru, Ela na Naamu. Wana wa Ela: Kenazi. 16Wana wa Yehaleleli: Zifu, Zifa, Tiria na Asareli. 17Wana wa Ezra: Yetheri, Meredi, Eferi na Yaloni. Naye akapata mimba akawazaa Miriamu, Shamai, na Ishba baba wa Eshtemoa. 18Mke wake Myahudi alimzaa Yeredi baba wa Gedori, Heberi baba wa Soko, na Yekuthieli baba wa Zanoa. Hao ndio wana wa Bithia, binti Farao, ambaye Meredi alimwoa.

19Wana wa mke wa Hodia, dada yake Nahamu, walikuwa baba wa Keila Mgarmi na Eshtemoa Mmaakathi. 20Wana wa Shimoni: Amnoni, Rina, Ben-hanani na Tiloni. Wana wa Ishi: Zohethi na Ben-zohethi. 21Wana wa Shela mwana wa Yuda: Eri baba wa Leka, Laada baba wa Maresha, koo za chama cha wafumaji wa kitani huko Beth-ashbea, 22na Yokimu, watu wa Kozeba, Yoashi, na Sarafu, waliotawala huko Moabu, na Yashubi-lehemu. Kumbukumbu hizi ni za kale. 23Hao walikuwa wafinyanzi, nao waliishi Netaimu na Gedera; walikaa huko pamoja na mfalme, wakimfanyia kazi.

24Wana wa Simeoni: Nemueli, Yamini, Yaribu, Zera na Shauli. 25Mwana wa Shauli alikuwa Shalumu, mwanawe alikuwa Mibsamu, na mwanawe alikuwa Mishma. 26Wazao wa Mishma: mwanawe Hamueli, mwana wa Hamueli Zakuri, na mwana wa Zakuri Shimei. 27Shimei alikuwa na wana kumi na sita na binti sita, lakini ndugu zake hawakuwa na watoto wengi, na ukoo wao wote haukuwa mkubwa kama watu wa Yuda.

28Waliishi Beer-sheba, Molada, Hasar-shuali, 29Bilha, Esemu, Toladi, 30Bethueli, Horma, Siklagi, 31Beth-markabothi, Hasar-susimu, Beth-biri na Shaaraimu. Hiyo ndiyo iliyokuwa miji yao mpaka utawala wa Daudi. 32Vijiji vyao vilikuwa Etamu, Aini, Rimoni, Tokeni na Ashani, miji mitano, 33na vijiji vyao vyote vilivyozunguka miji hii mpaka Baali. Hayo ndiyo yaliyokuwa makao yao, nao walitunza orodha yao wenyewe ya ukoo. 34Meshobabu, Yamleki, Yosha mwana wa Amazia, 35Yoeli, Yehu mwana wa Yoshibia, mwana wa Seraya, mwana wa Asieli, 36Elioenai, Yaakoba, Yeshohaya, Asaya, Adieli, Yesimieli, Benaya, 37na Ziza mwana wa Shifi, mwana wa Aloni, mwana wa Yedaya, mwana wa Shimri, mwana wa Shemaya. 38Watu hawa waliotajwa kwa majina walikuwa viongozi katika koo zao, na jamaa za baba zao ziliongezeka sana. 39Walikwenda mpaka maingilio ya Gedori, hadi upande wa mashariki wa bonde, wakitafuta malisho kwa makundi yao. 40Walipata malisho manono na mazuri, na nchi ilikuwa pana, tulivu na yenye amani, kwa maana watu walioishi huko zamani walikuwa wazao wa Hamu. 41Katika siku za Hezekia mfalme wa Yuda, watu hawa walioandikwa hapa kwa majina walikuja wakashambulia hema zao na Wameuni waliokutwa huko. Wakawaweka wakfu kwa maangamizi, hata hawapo mpaka leo, wakakaa mahali pao, kwa sababu huko kulikuwa na malisho kwa makundi yao. 42Baadhi yao, watu mia tano wa Simeoni, walikwenda mlima Seiri, wakiongozwa na Pelatia, Nearia, Refaya na Uzieli, wana wa Ishi. 43Waliwaua Waamaleki waliobaki, wale waliokuwa wameokoka, nao wameishi huko mpaka leo.