1 Mambo ya Nyakati 24

1Wazao wa Haruni walipangwa katika zamu kama ifuatavyo. Wana wa Haruni walikuwa Nadabu, Abihu, Eleazari na Ithamari. 2Lakini Nadabu na Abihu walikufa baba yao akiwa bado hai, bila kuacha wana, na Eleazari na Ithamari wakahudumu kama makuhani. 3Kwa msaada wa Sadoki, mzao wa Eleazari, na Ahimeleki, mzao wa Ithamari, Daudi aliwagawanya katika mpangilio wao kwa ajili ya huduma yao. 4Wazao wa Eleazari walionekana kuwa na viongozi wengi zaidi kuliko wazao wa Ithamari, kwa hiyo waliwagawanya hivi: wakuu kumi na sita wa jamaa kutoka kwa wazao wa Eleazari, na jamaa nane kutoka kwa wazao wa Ithamari. 5Waliwagawanya kwa kura, kundi moja sawa na lingine, kwa sababu walikuwako maafisa wa mahali patakatifu na maafisa wa Mungu katika wazao wa Eleazari na katika wazao wa Ithamari.

6Shemaya mwana wa Nethaneli, mwandishi, aliyekuwa Mlawi, aliwaandika mbele ya mfalme na maafisa, Sadoki kuhani, Ahimeleki mwana wa Abiathari, na wakuu wa jamaa za makuhani na za Walawi. Jamaa moja ilichaguliwa kwa ajili ya Eleazari, na moja ikachaguliwa kwa ajili ya Ithamari.

7Kura ya kwanza ilimwangukia Yehoyaribu, ya pili Yedaya, 8ya tatu Harimu, ya nne Seorimu, 9ya tano Malkiya, ya sita Miyamini, 10ya saba Hakosi, ya nane Abiya, 11ya tisa Yeshua, ya kumi Shekania, 12ya kumi na moja Eliashibu, ya kumi na mbili Yakimu, 13ya kumi na tatu Hupa, ya kumi na nne Yeshebeabu, 14ya kumi na tano Bilga, ya kumi na sita Imeri, 15ya kumi na saba Heziri, ya kumi na nane Hapisesi, 16ya kumi na tisa Pethahia, ya ishirini Yehezkeli, 17ya ishirini na moja Yakini, ya ishirini na mbili Gamuli, 18ya ishirini na tatu Delaya, ya ishirini na nne Maazia.

19Huu ndio uliokuwa mpangilio wao wa huduma walipoingia katika nyumba ya BWANA, kwa kufuata agizo walilopewa kupitia Haruni babu yao, kama BWANA, Mungu wa Israeli, alivyomwamuru.

20Kuhusu wazao wengine wa Lawi: kutoka kwa wana wa Amramu, Shubaeli; kutoka kwa wana wa Shubaeli, Yehdeya. 21Kutoka kwa Rehabia: kutoka kwa wana wa Rehabia, Ishia alikuwa mkuu. 22Kutoka kwa Waishari: Shelomothi; kutoka kwa wana wa Shelomothi, Yahathi. 23Wana wa Hebroni: Yeria wa kwanza, Amaria wa pili, Yahazieli wa tatu na Yekameamu wa nne. 24Wana wa Uzieli: Mika; kutoka kwa wana wa Mika, Shamiri. 25Ndugu wa Mika: Ishia; kutoka kwa wana wa Ishia, Zekaria. 26Wana wa Merari: Mahli na Mushi; na wana wa Yaazia, mwanawe. 27Wazao wa Merari kupitia mwanawe Yaazia: Shohamu, Zakuri na Ibri. 28Kutoka kwa Mahli: Eleazari, ambaye hakuwa na wana. 29Kutoka kwa Kishi: wana wa Kishi, Yerahmeeli. 30Wana wa Mushi: Mahli, Ederi na Yerimothi. Hawa ndio waliokuwa wazao wa Walawi kwa jamaa zao. 31Hawa nao walipiga kura, kama ndugu zao wazao wa Haruni walivyofanya, mbele ya mfalme Daudi, Sadoki, Ahimeleki, na wakuu wa jamaa za makuhani na za Walawi. Jamaa ya mkuu ilitendewa sawasawa na ile ya ndugu yake mdogo.