1 Mambo ya Nyakati 25

1Daudi na makamanda wa jeshi waliwatenga kwa ajili ya huduma wana wa Asafu, Hemani na Yeduthuni, waliotoa unabii kwa vinubi, zeze na matoazi. Hii ndiyo orodha ya watu waliofanya kazi ya huduma yao: 2Wa wana wa Asafu: Zakuri, Yusufu, Nethania na Asarela. Wana hawa wa Asafu walifanya kazi chini ya uongozi wa Asafu, naye alitoa unabii chini ya uongozi wa mfalme. 3Wa Yeduthuni, wana wa Yeduthuni: Gedalia, Seri, Yeshaya, Hashabia na Matithia, sita, chini ya uongozi wa baba yao Yeduthuni, aliyetoa unabii kwa kinubi, akimshukuru na kumsifu BWANA.

4Wa Hemani, wana wa Hemani: Bukia, Matania, Uzieli, Shebueli, Yerimothi, Hanania, Hanani, Eliatha, Gidalti, Romamti-ezeri, Yoshbekasha, Malothi, Hothiri na Mahaziothi. 5Hawa wote walikuwa wana wa Hemani, mwonaji wa mfalme, kulingana na ahadi za Mungu za kuinua pembe yake; Mungu alimpa Hemani wana kumi na wanne na binti watatu. 6Hawa wote walikuwa chini ya uongozi wa baba yao kwa ajili ya muziki katika nyumba ya BWANA, kwa matoazi, zeze na vinubi, katika huduma ya nyumba ya Mungu. Asafu, Yeduthuni na Hemani walihudumu chini ya uongozi wa mfalme. 7Idadi yao, pamoja na ndugu zao waliofundishwa kumwimbia BWANA, wote wakiwa stadi, ilikuwa 288. 8Walipiga kura kwa ajili ya zamu zao kwa usawa, mdogo na mkubwa vilevile, mwalimu na mwanafunzi vilevile.

9Kura ya kwanza ya Asafu ilimwangukia Yusufu; ya pili Gedalia, yeye na ndugu zake na wanawe, kumi na wawili. 10Ya tatu ilimwangukia Zakuri, wanawe na ndugu zake, kumi na wawili. 11Ya nne ilimwangukia Isri, wanawe na ndugu zake, kumi na wawili. 12Ya tano ilimwangukia Nethania, wanawe na ndugu zake, kumi na wawili. 13Ya sita ilimwangukia Bukia, wanawe na ndugu zake, kumi na wawili. 14Ya saba ilimwangukia Yesarela, wanawe na ndugu zake, kumi na wawili. 15Ya nane ilimwangukia Yeshaya, wanawe na ndugu zake, kumi na wawili. 16Ya tisa ilimwangukia Matania, wanawe na ndugu zake, kumi na wawili. 17Ya kumi ilimwangukia Shimei, wanawe na ndugu zake, kumi na wawili. 18Ya kumi na moja ilimwangukia Azareli, wanawe na ndugu zake, kumi na wawili. 19Ya kumi na mbili ilimwangukia Hashabia, wanawe na ndugu zake, kumi na wawili. 20Ya kumi na tatu ilimwangukia Shubaeli, wanawe na ndugu zake, kumi na wawili. 21Ya kumi na nne ilimwangukia Matithia, wanawe na ndugu zake, kumi na wawili. 22Ya kumi na tano ilimwangukia Yeremothi, wanawe na ndugu zake, kumi na wawili. 23Ya kumi na sita ilimwangukia Hanania, wanawe na ndugu zake, kumi na wawili. 24Ya kumi na saba ilimwangukia Yoshbekasha, wanawe na ndugu zake, kumi na wawili. 25Ya kumi na nane ilimwangukia Hanani, wanawe na ndugu zake, kumi na wawili. 26Ya kumi na tisa ilimwangukia Malothi, wanawe na ndugu zake, kumi na wawili. 27Ya ishirini ilimwangukia Eliatha, wanawe na ndugu zake, kumi na wawili. 28Ya ishirini na moja ilimwangukia Hothiri, wanawe na ndugu zake, kumi na wawili. 29Ya ishirini na mbili ilimwangukia Gidalti, wanawe na ndugu zake, kumi na wawili. 30Ya ishirini na tatu ilimwangukia Mahaziothi, wanawe na ndugu zake, kumi na wawili. 31Ya ishirini na nne ilimwangukia Romamti-ezeri, wanawe na ndugu zake, kumi na wawili.