1 Mambo ya Nyakati 3

1Wana waliozaliwa kwa Daudi huko Hebroni ni hawa: mzaliwa wa kwanza, Amnoni, ambaye mama yake alikuwa Ahinoamu wa Yezreeli; wa pili, Danieli, ambaye mama yake alikuwa Abigaili wa Karmeli; 2wa tatu alikuwa Absalomu, ambaye mama yake alikuwa Maaka binti Talmai mfalme wa Geshuri; wa nne alikuwa Adoniya, ambaye mama yake alikuwa Hagithi; 3wa tano alikuwa Shefatia, ambaye mama yake alikuwa Abitali; wa sita alikuwa Ithreamu, ambaye mama yake alikuwa Egla mke wake. 4Wana sita walizaliwa kwake huko Hebroni, alikotawala kwa miaka saba na miezi sita. Huko Yerusalemu alitawala kwa miaka thelathini na mitatu.

5Hawa walizaliwa kwake huko Yerusalemu: Shimea, Shobabu, Nathani na Sulemani, wana wanne ambao mama yao alikuwa Bathshua binti Amieli; 6na Ibhari, Elishama, Elifeleti, 7Noga, Nefegi, Yafia, 8Elishama, Eliada na Elifeleti: wana tisa. 9Hao wote walikuwa wana wa Daudi, mbali na wana wa masuria wake; na Tamari alikuwa dada yao.

10Mwana wa Sulemani alikuwa Rehoboamu; Abiya alikuwa mwanawe, Asa mwanawe, Yehoshafati mwanawe, 11Yoramu mwanawe, Ahazia mwanawe, Yoashi mwanawe, 12Amazia mwanawe, Azaria mwanawe, Yothamu mwanawe, 13Ahazi mwanawe, Hezekia mwanawe, Manase mwanawe, 14Amoni mwanawe, Yosia mwanawe. 15Wana wa Yosia: mzaliwa wa kwanza alikuwa Yohana, wa pili Yehoyakimu, wa tatu Sedekia, wa nne Shalumu. 16Wana wa Yehoyakimu: Yekonia mwanawe, Sedekia mwanawe. 17Wana wa Yekonia aliyechukuliwa mateka: Shealtieli mwanawe, 18na Malkiramu, Pedaya, Shenazari, Yekamia, Hoshama na Nedabia. 19Wana wa Pedaya: Zerubabeli na Shimei. Wana wa Zerubabeli: Meshulamu na Hanania, na dada yao alikuwa Shelomithi, 20na Hashuba, Oheli, Berekia, Hasadia na Yushab-hesedi: wana watano. 21Wana wa Hanania: Pelatia na Yeshaya; wana wa Refaya, wana wa Arnani, wana wa Obadia, wana wa Shekania.

22Wana wa Shekania: Shemaya. Wana wa Shemaya: Hatushi, Igali, Baria, Nearia na Shafati: sita. 23Wana wa Nearia: Elioenai, Hizkia na Azrikamu: watatu. 24Wana wa Elioenai: Hodavia, Eliashibu, Pelaya, Akubu, Yohana, Delaya na Anani: saba.