Yoshua 15

1Nchi iliyoangukia kabila la Yuda kwa kura, ukoo kwa ukoo, ilifika kusini hadi mpaka wa Edomu na nyika ya Zini, upande wa mwisho wa kusini. 2Mpaka wao wa kusini ulianzia mwisho wa Bahari ya Chumvi, kwenye ghuba inayoelekea kusini. 3Unatokea kusini mwa Mwinuko wa Akrabimu, unapita hadi Zini, unapanda kusini mwa Kadesh-barnea, unapita Hesroni, unapanda hadi Adari na kugeuka kuelekea Karka, 4unapita Azmoni, na kutokea Bonde la Misri, ukiishia baharini. Huu utakuwa mpaka wenu wa kusini. 5Upande wa mashariki, Bahari ya Chumvi ndiyo mpaka, hadi mdomo wa Yordani. Upande wa kaskazini mpaka unaanzia kwenye ghuba ambapo Yordani inaingia baharini. 6Mpaka unapanda hadi Beth-hogla na kupita kaskazini mwa Beth-araba, kisha unapanda hadi Jiwe la Bohani mwana wa Reubeni. 7Kutoka Bonde la Akori mpaka unapanda hadi Debiri, na kugeuka kaskazini kuelekea Gilgali, unaoelekeana na Mwinuko wa Adumimu, upande wa kusini wa korongo. Unaendelea hadi maji ya En-shemeshi na kutokea En-rogeli. 8Kisha mpaka unapanda Bonde la Ben-hinomu kando ya mteremko wa kusini wa mji wa Wayebusi, yaani Yerusalemu. Kutoka hapo unapanda hadi kilele cha kilima kinachotazamana na Bonde la Hinomu kutoka magharibi, upande wa kaskazini wa mwisho wa Bonde la Refaimu. 9Kutoka kilele cha kilima mpaka unazunguka hadi chemchemi ya maji ya Neftoa, unatokea kwenye miji ya Mlima Efroni, na kupinda kuelekea Baala, yaani Kiriath-yearimu. 10Kutoka Baala mpaka unageuka kuelekea magharibi hadi Mlima Seiri, unapita kando ya mteremko wa kaskazini wa Mlima Yearimu, yaani Kesaloni, kisha unashuka hadi Beth-shemeshi na kuendelea hadi Timna. 11Mpaka unatokea kwenye mteremko ulio kaskazini mwa Ekroni, unazunguka hadi Shikeroni, unapita kando ya Mlima Baala na kutokea Yabneeli. Unaishia baharini. 12Mpaka wa magharibi ni Bahari Kuu na pwani yake. Hii ndiyo mipaka ya watu wa Yuda pande zote, ukoo kwa ukoo. 13Kalebu mwana wa Yefune alipewa fungu kati ya watu wa Yuda, kama BWANA alivyokuwa amemwamuru Yoshua. Fungu hilo lilikuwa Kiriath-arba, yaani Hebroni. Arba alikuwa baba wa Anaki. 14Kalebu aliwafukuza kutoka huko wana watatu wa Anaki, Sheshai, Ahimani na Talmai, wazao wa Anaki. 15Kutoka huko alipanda kuwashambulia watu walioishi Debiri. Zamani Debiri iliitwa Kiriath-seferi. 16Kalebu alisema, “Nitamwoza binti yangu Aksa mtu atakayeishambulia Kiriath-seferi na kuiteka.” 17Othnieli mwana wa Kenazi, ndugu wa Kalebu, aliuteka, naye Kalebu akampa binti yake Aksa awe mke wake. 18Alipokuja kwa Othnieli, alimhimiza amwombe baba yake shamba. Aliposhuka kutoka juu ya punda wake, Kalebu akamwuliza, “Unataka nini?” 19Akajibu, “Nipe zawadi. Kwa kuwa nchi uliyonipa iko Negebu, nipe pia chemchemi za maji.” Basi Kalebu akampa chemchemi za juu na chemchemi za chini.

20Huu ndio urithi wa kabila la Yuda, ukoo kwa ukoo. 21Miji iliyo upande wa mwisho wa kabila la Yuda, kuelekea mpaka wa Edomu katika Negebu, ilikuwa Kabseeli, Ederi, Yaguri, 22Kina, Dimona, Adada, 23Kedeshi, Hasori, Ithnani, 24Zifu, Telemu, Bealothi, 25Hasori-hadata, Kerioth-hesroni (yaani Hasori), 26Amamu, Shema, Molada, 27Hasar-gada, Heshmoni, Beth-peleti, 28Hasar-shuali, Beer-sheba, Biziothia, 29Baala, Iimu, Esemu, 30Eltoladi, Kesili, Horma, 31Siklagi, Madmana, Sansana, 32Lebaothi, Shilhimu, Aini na Rimoni: jumla miji ishirini na tisa pamoja na vijiji vyake.

33Katika nchi ya vilima: Eshtaoli, Sora, Ashna, 34Zanoa, En-ganimu, Tapua, Enamu, 35Yarmuthi, Adulamu, Soko, Azeka, 36Shaaraimu, Adithaimu, Gedera na Gederothaimu: jumla miji kumi na minne pamoja na vijiji vyake. 37Senani, Hadasha, Migdal-gadi, 38Dileani, Mispe, Yoktheeli, 39Lakishi, Boskathi, Egloni, 40Kaboni, Lahmasi, Kitlishi, 41Gederothi, Beth-dagoni, Naama na Makeda: jumla miji kumi na sita pamoja na vijiji vyake.

42Libna, Etheri, Ashani, 43Ifta, Ashna, Nesibu, 44Keila, Akzibu na Maresha: jumla miji tisa pamoja na vijiji vyake. 45Ekroni pamoja na miji na vijiji vyake; 46kutoka Ekroni kuelekea magharibi hadi baharini, miji yote iliyo karibu na Ashdodi, pamoja na vijiji vyake; 47Ashdodi pamoja na miji na vijiji vyake, na Gaza pamoja na miji na vijiji vyake, hadi Bonde la Misri na pwani ya Bahari Kuu.

48Katika nchi ya milima: Shamiri, Yatiri, Soko, 49Dana, Kiriath-sana (yaani Debiri), 50Anabu, Eshtemo, Animu, 51Gosheni, Holoni na Gilo: jumla miji kumi na mmoja pamoja na vijiji vyake. 52Arabu, Ruma, Eshani, 53Yanumu, Beth-tapua, Afeka, 54Humta, Kiriath-arba (yaani Hebroni) na Siori: jumla miji tisa pamoja na vijiji vyake.

55Maoni, Karmeli, Zifu, Yuta, 56Yezreeli, Yokdeamu, Zanoa, 57Kaini, Gibea na Timna: jumla miji kumi pamoja na vijiji vyake. 58Halhuli, Beth-suri, Gedori, 59Maarathi, Beth-anothi na Eltekoni: jumla miji sita pamoja na vijiji vyake. 60Kiriath-baali (yaani Kiriath-yearimu) na Raba: jumla miji miwili pamoja na vijiji vyake.

61Nyikani: Beth-araba, Midini, Sekaka, 62Nibshani, Mji wa Chumvi na En-gedi: jumla miji sita pamoja na vijiji vyake. 63Lakini watu wa Yuda hawakuweza kuwafukuza Wayebusi walioishi Yerusalemu, na Wayebusi wanaishi huko pamoja na watu wa Yuda mpaka leo.