Yoshua 12

1Hawa ndio wafalme wa nchi ambao Waisraeli waliwashinda na kuimiliki nchi yao ng’ambo ya Yordani, upande wa jua linapochomoza, kuanzia Bonde la Arnoni hadi Mlima Hermoni, pamoja na Araba yote upande wa mashariki: 2Sihoni mfalme wa Waamori, ambaye mji wake ulikuwa Heshboni. Utawala wake ulienea kutoka Aroeri, ukingoni mwa Bonde la Arnoni, na kutoka katikati ya bonde hilo, juu ya nusu ya Gileadi hadi Mto Yaboki, mpaka wa Waamoni. 3Alitawala pia Araba upande wa mashariki, kutoka Bahari ya Kinerethi hadi Bahari ya Araba, yaani Bahari ya Chumvi, kuelekea Beth-yeshimothi, na upande wa kusini chini ya miteremko ya Pisga. 4Walitwaa pia eneo la Ogu mfalme wa Bashani, mmoja wa Warefai wa mwisho, aliyeishi Ashtarothi na Edrei. 5Alitawala juu ya Mlima Hermoni, Saleka na Bashani yote, hadi mpaka wa Wageshuri na Wamaaka, na juu ya nusu ya Gileadi, hadi mpaka wa Sihoni mfalme wa Heshboni. 6Musa mtumishi wa BWANA na Waisraeli waliwashinda, na Musa mtumishi wa BWANA akawapa Wareubeni, Wagadi na nusu ya kabila la Manase nchi yao iwe milki yao.

7Hawa ndio wafalme wa nchi ambao Yoshua na Waisraeli waliwashinda ng’ambo ya Yordani upande wa magharibi, kuanzia Baal-gadi katika Bonde la Lebanoni hadi Mlima Halaki, mlima unaopanda kuelekea Seiri. Yoshua aliyapa makabila ya Israeli nchi yao iwe milki yao, sehemu kwa sehemu, 8katika nchi ya milima na vilima vya chini, katika Araba na materemko, nyikani na katika Negebu, nchi ya Wahiti, Waamori, Wakanaani, Waperizi, Wahivi na Wayebusi.

9Mfalme wa Yeriko, mmoja; mfalme wa Ai, ulio karibu na Betheli, mmoja; 10mfalme wa Yerusalemu, mmoja; mfalme wa Hebroni, mmoja; 11mfalme wa Yarmuthi, mmoja; mfalme wa Lakishi, mmoja; 12mfalme wa Egloni, mmoja; mfalme wa Gezeri, mmoja; 13mfalme wa Debiri, mmoja; mfalme wa Gederi, mmoja; 14mfalme wa Horma, mmoja; mfalme wa Aradi, mmoja; 15mfalme wa Libna, mmoja; mfalme wa Adulamu, mmoja; 16mfalme wa Makeda, mmoja; mfalme wa Betheli, mmoja; 17mfalme wa Tapua, mmoja; mfalme wa Heferi, mmoja; 18mfalme wa Afeki, mmoja; mfalme wa Lasharoni, mmoja; 19mfalme wa Madoni, mmoja; mfalme wa Hazori, mmoja; 20mfalme wa Shimron-meroni, mmoja; mfalme wa Akshafu, mmoja; 21mfalme wa Taanaki, mmoja; mfalme wa Megido, mmoja; 22mfalme wa Kedeshi, mmoja; mfalme wa Yokneamu katika Karmeli, mmoja; 23mfalme wa Dori katika Nafath-dori, mmoja; mfalme wa Goyimu katika Gilgali, mmoja; 24mfalme wa Tirsa, mmoja. Jumla ya wafalme wote ni thelathini na mmoja.