Mistari ya Biblia Kuhusu Kiti cha Enzi cha Mungu
Mistari 8 ya Biblia kuhusu Kiti cha Enzi cha Mungu ya kusoma, kutafakari, na kuikariri.
Mungu sasa anatawala kama Mfalme juu ya mataifa; juu ya kiti chake kitakatifu cha enzi Mungu ameketi.
mara moja nilikuwa katika Roho, nikaona kiti cha enzi kimewekwa mbinguni, na mmoja ameketi juu yake.
BWANA amekisimika kiti chake cha enzi mbinguni; mamlaka yake ya kifalme yanatawala juu ya kila kilichopo.
Basi tukaribie kiti cha enzi cha neema tukiwa na ujasiri, ili tupokee rehema na kupata neema inayotuletea msaada wakati ule ule tunapouhitaji.
Yeye aliyeketi hapo alionekana kama yaspi na akiki, na kukizunguka kiti cha enzi kulikuwa na upinde wa mvua ulioonekana kama zumaridi.
Kiti chako cha enzi, Ee Mungu, kinadumu milele na milele; fimbo ya ufalme wako ni fimbo inayotawala kwa haki.
Baada ya hayo nilitazama, nikaona umati mkubwa mno ambao hakuna mtu aliyeweza kuuhesabu. Walitoka katika kila taifa, na katika makabila yote, jamii na lugha, nao walisimama mbele ya kiti cha enzi na mbele ya Mwanakondoo, wamevaa mavazi meupe marefu, na matawi ya mitende mikononi mwao. Wanapiga kelele kwa sauti kubwa: “Wokovu ni wa Mungu wetu, aliyeketi juu ya kiti cha enzi, na wa Mwanakondoo!”
BWANA yuko katika hekalu lake takatifu; kiti cha enzi cha BWANA kiko mbinguni. Macho yake yanatazama; mtazamo wake unamchunguza kila mwanadamu.