Mistari ya Biblia Kuhusu Uzuri wa Mungu
Mistari 8 ya Biblia kuhusu Uzuri wa Mungu ya kusoma, kutafakari, na kuikariri.
Ee BWANA, ukuu, uweza, utukufu, ushindi na enzi ni vyako; naam, kila kitu kilicho mbinguni na duniani ni chako. Ufalme ni wako, Ee BWANA, nawe umetukuzwa kuwa kichwa juu ya yote.
Nafsi yangu, mbariki BWANA. Ee BWANA Mungu wangu, jinsi ulivyo mkuu! Fahari na enzi ndizo mavazi unayovaa,
Fahari na enzi vimesimama mbele yake; nguvu na uzuri vimejaa mahali pake patakatifu.
Nitaitafakari enzi yako, utukufu wake na fahari yake, na habari za maajabu yako.
Ee BWANA, Bwana wetu, jina lako lina utukufu ulioje duniani kote! Fahari yako inafika juu kuliko mbingu.
Kwa sababu ulimwokoa, heshima yake iko juu sana; unaweka juu yake fahari ya kifalme na enzi.
Kila analolifanya linang’aa kwa fahari na adhama, na haki yake inadumu nyakati zote.
Watumishi wako na wayaone matendo yako, na watoto wao wauone utukufu wako.