Mistari ya Biblia Kuhusu Mtakatifu, Mtakatifu, Mtakatifu
Mistari 7 ya Biblia kuhusu Mtakatifu, Mtakatifu, Mtakatifu ya kusoma, kutafakari, na kuikariri.
Viumbe hai hao wanne kila mmoja ana mabawa sita, nao wamejaa macho pande zote na ndani. Mchana na usiku hawapumziki, wakisema: “Mtakatifu, mtakatifu, mtakatifu, Bwana Mungu, Mwenyezi, aliyekuwepo, aliyepo, na anayekuja.”
“Bwana wetu na Mungu wetu, wewe unastahili kupokea utukufu, heshima na uweza, kwa sababu wewe uliviumba vitu vyote: kwa kuwa ulipenda, vilikuwepo na viliumbwa.”
Miongoni mwa miungu, ni nani anayelinganishwa na wewe, Ee BWANA? Ni nani aliye kama wewe, mwenye fahari ya utakatifu, wa kutisha kwa matendo yanayostahili sifa, mtenda maajabu?
Mwinueni juu BWANA Mungu wetu, msujudu juu ya mlima wake mtakatifu, kwa sababu BWANA Mungu wetu ni mtakatifu.
Hata hivyo wewe ni mtakatifu; sifa za Israeli ndizo kiti cha enzi unachoketi.
Hakuna aliye mtakatifu kama BWANA; hakika, hakuna mwingine ila wewe, wala hakuna mwamba ulio kama Mungu wetu.
Bwana, ni nani asiyekuogopa na kulitukuza jina lako? Ni wewe peke yako uliye mtakatifu. Kila taifa litakuja na kuabudu mbele yako, kwa sababu matendo yako ya haki sasa yako wazi kwa wote.”