Mistari ya Biblia Kuhusu Kimbilio
Mistari 11 ya Biblia kuhusu Kimbilio ya kusoma, kutafakari, na kuikariri.
Mungu ni kimbilio na nguvu yetu, msaada ulio karibu sana wakati wa shida.
Enyi watu, mtegemeeni yeye kila wakati; mwagieni mioyo yenu mbele yake. Mungu ni kimbilio letu. Sela
Jina la BWANA ni mnara wa ngome; wenye haki hulikimbilia wakalindwa juu salama.
BWANA ni ngome iliyo juu milimani kwa wale wanaopondwa, mahali salama pa juu nyakati za taabu.
Hivi ndivyo ninavyosema kuhusu BWANA: “Yeye ni makazi yangu na ngome yangu, Mungu wangu, ninayemtegemea.”
BWANA ni jabali langu, ngome yangu, yule anayeniweka huru; Mungu wangu ni mwamba wangu, nami ninajificha kwake. Yeye ni ngao yangu, wokovu wangu wenye nguvu, mnara wangu juu milimani.
Wewe ni kimbilio langu ninapoweza kujificha; unanilinda na dhiki na kunizungushia kelele za furaha za kuokolewa. Sela
Kwa maana wewe umekuwa kimbilio langu, mnara imara wa kumzuia adui. Niishi kama mgeni katika hema lako siku zote; nipate kimbilio chini ya kifuniko cha mbawa zako. Sela
Ninakulilia wewe, Ee BWANA. Ninasema, “Wewe ni kimbilio langu, kila nilicho nacho katika nchi ya walio hai.”
BWANA, nimekufanya wewe kuwa kimbilio langu; usiniache niaibishwe kamwe; kwa kuwa wewe ni mwenye haki, uniweke huru. Uiname unisikilize; harakisha kuniokoa. Uwe mwamba ninaoweza kujificha kwake, nyumba yenye ngome inayonilinda salama.
Mungu wangu, mwamba wangu, ninayejificha kwake, ngao yangu, wokovu wangu wenye nguvu, mnara wangu juu milimani na mahali pangu pa kukimbilia, mwokozi wangu; wewe unaniokoa na jeuri.