Mistari ya Biblia Kuhusu Maneno Yenye Faida
Mistari 14 ya Biblia kuhusu Maneno Yenye Faida ya kusoma, kutafakari, na kuikariri.
Mazungumzo yenu yawe ya upole na ya kupendeza siku zote, yamekolezwa kwa chumvi, ili mjue jinsi ya kumjibu kila mtu.
Neno lililooza lisipite midomoni mwenu. Semeni tu yaliyo mema, yanayojenga na kukidhi hitaji la wakati huo, ili maneno yenu yawaletee neema wale wanaoyasikia.
Maneno ya upole ni mti wa uzima, bali ulimi uliopotoka huiponda roho.
Yale ambayo kinywa changu kinasema na yale ambayo moyo wangu unawaza yakaribishwe mbele yako, Ee BWANA, mwamba wangu na mkombozi wangu.
Maneno ya upole ni sega la asali, matamu kinywani na afya kwa mwili.
Maneno ya mwenye haki ni chemchemi ya uzima, bali nyuma ya maneno ya waovu imejificha jeuri.
Ulimi wa mwenye haki ni fedha safi; moyo wa waovu una thamani ndogo sana. Maneno ya mwenye haki huwalisha wengi, bali wapumbavu hufa kwa kukosa akili.
Kama matofaa ya dhahabu yaliyowekwa katika fedha, ndivyo lilivyo neno linalosemwa wakati unaofaa kabisa.
Ninyi ukoo wa nyoka! Maneno mema yangewezaje kutoka kwenu, ilhali ninyi ni waovu? Kinywa husema yale yanayofurika kutoka moyoni. Mtu mwema hutoa vitu vyema kutoka katika ghala lake la mema; mtu mwovu hutoa vitu viovu kutoka katika ghala lake la maovu.
Moyo wenye hekima huongoza kinywa na kuyafanya maneno yakubalike zaidi.
Vivyo hivyo na matendo ya aibu, maneno ya kipumbavu na mizaha michafu. Mambo hayo hayafai. Badala yake, kuwe na shukrani.
Kutoa jibu zuri ni furaha, na neno kwa wakati unaofaa, jinsi lilivyo jema!
Baraka na laana hutoka katika kinywa kilekile. Ndugu zangu, jambo hili halipaswi kuwa hivi.
Watu hujazwa mema kwa matunda ya maneno yao, na kazi ya mikono yao huwarudia.