Mistari ya Biblia Kuhusu Masingizio
Mistari 11 ya Biblia kuhusu Masingizio ya kusoma, kutafakari, na kuikariri.
Achaneni na kila uchungu, milipuko ya hamaki na ghadhabu, kila makelele ya ugomvi na kashfa, pamoja na kila aina ya ubaya.
Yeyote anayemsingizia jirani yake kwa siri nitamwangamiza; yeyote mwenye macho ya kujiinua na moyo uliojaa majivuno sitamvumilia.
wasimseme mtu yeyote vibaya, waepuke ugomvi, wawe wapole na wawe na adabu kwa kila mtu.
Ndugu, msisemane vibaya. Mtu anayemsema vibaya ndugu au kumhukumu ndugu, anaisema vibaya sheria na kuihukumu sheria. Na kama unaihukumu sheria, huitendi sheria; unaihukumu.
Kuficha chuki huzaa midomo ya uongo, na kueneza masingizio humfanya mtu mpumbavu.
Zaburi ya Daudi. Ee BWANA, ni nani anayeweza kukaa kama mgeni hemani mwako? Ni nani anayeweza kufanya makao yake juu ya mlima wako mtakatifu? Ni yule anayeenenda bila lawama, anayetenda yaliyo haki, na kusema kweli itokayo moyoni, asiyezunguka akiwasingizia watu, asiyemdhuru jirani, wala asiyewatukana walio karibu naye,
Kwa hiyo vueni ubaya wote na kila aina ya udanganyifu, unafiki, wivu na usengenyaji wote.
Lakini sasa yavueni hayo yote, kila moja: hasira, milipuko ya hamaki, nia mbaya, kashfa, na maneno machafu yatokayo vinywani mwenu.
Mtu mpotovu huchochea mafarakano, na mchongezi huwatenganisha marafiki wa karibu.
Usieneze habari za uongo. Usishirikiane na mtu mwovu kwa kuwa shahidi ambaye maneno yake yanaleta dhuluma.
Ni kutoka moyoni ambako hutoka mipango miovu, na mauaji, uzinzi na kila aina nyingine ya uasherati, wizi, ushahidi wa uongo na maneno ya matusi.