Mistari ya Biblia Kuhusu Manung'uniko

Msimnung’unikie Mungu kama baadhi yao walivyonung’unika, wakaangamia kwa mkono wa Mwangamizi.

Karibishaneni majumbani mwenu bila kulalamika.

Basi watu walianza kunung’unika juu ya taabu zao masikioni mwa BWANA. BWANA aliposikia, hasira yake ikawaka, na moto kutoka kwa BWANA ukazuka kati yao, ukateketeza sehemu ya ukingo wa nje wa kambi.

Acheni kulalamikiana, ndugu, la sivyo ninyi wenyewe mtahukumiwa. Tazameni, Hakimu amekwisha kusimama mlangoni.

Musa aliendelea kusema, “Mtaliona hili BWANA atakapowapa nyama mle jioni, na mkate asubuhi hadi mshibe, kwa sababu BWANA amesikia manung’uniko mnayoyaelekeza kwake. Sisi tu nani? Hamtunung’unikii sisi hata kidogo, bali mnamnung’unikia BWANA.”

“Nitaivumilia mpaka lini jumuiya hii ovu isiyoacha kuninung’unikia? Nimeyasikia malalamiko ambayo Waisraeli wanatoa dhidi yangu.

Watu hawa wananung’unika na kulalamikia fungu lao maishani. Wanaishi kwa kufuata tamaa zao wenyewe. Vinywa vyao vinasema maneno makubwa ya kujivuna, nao wanawabembeleza watu ili wapate faida kutoka kwao.

Katika yote mnayofanya, epukeni kunung’unika na kubishana, ili mtu yeyote asiweze kuwalaumu, nanyi mbaki safi, watoto wa Mungu wasio na dosari katikati ya kizazi kilichopotoka na kuharibika. Kati ya watu hao mnang’aa kama nyota ulimwenguni

Walinung’unika ndani ya hema zao, wala hawakuitii sauti ya BWANA.

Yesu akawajibu, “Acheni kunung’unika miongoni mwenu.

Waisraeli wote waliwanung’unikia Musa na Haruni, na jumuiya yote ikawaambia, “Afadhali tungekufa katika nchi ya Misri, au hata tungekufa hapa katika jangwa hili!

Wakamwambia Musa, “Je, Misri hapakuwa na makaburi, hata ukatuleta huku tufe nyikani? Ni jambo gani hili ulilotutendea, kututoa Misri!

Yaliyowapata yalikusudiwa kuwa mfano, nayo yaliandikwa ili kutuonya sisi tunaoishi wakati ambapo zama zinafikia mwisho wake.