Mistari ya Biblia Kuhusu Nyumbani
Mistari 12 ya Biblia kuhusu Nyumbani ya kusoma, kutafakari, na kuikariri.
Ikiwa kumtumikia BWANA kunaonekana vibaya kwenu, basi fanyeni uchaguzi wenu leo. Mtamtumikia nani? Miungu ambayo babu zenu waliitumikia upande wa pili wa Mto, au miungu ya Waamori ambao sasa mnaishi katika nchi yao? Mimi na watu wa nyumbani mwangu tutamtumikia BWANA.”
Wimbo wa kupanda. Wa Sulemani. Ikiwa BWANA si yeye anayejenga nyumba, kazi ya wajenzi wake inakuwa bure. Ikiwa BWANA haulindi mji, kukesha kwa mlinzi usiku kucha ni bure.
Nyumba hujengwa kwa hekima na kuthibitishwa kwa ufahamu; kwa maarifa vyumba vyake hujazwa kila aina ya hazina ya thamani na nzuri.
Mwanamke mwenye hekima hujenga nyumba yake, bali mpumbavu huibomoa kwa mikono yake mwenyewe.
Wakamjibu, “Mwamini Bwana Yesu, nawe utaokolewa, wewe pamoja na watu wa nyumbani mwako.”
Yaandike kwenye miimo ya milango ya nyumba yako na kwenye malango ya mji wako.
Waovu hupinduliwa wakatoweka, bali nyumba ya wenye haki itasimama imara.
Nyumba ya mwenye haki ina hazina kubwa, bali mapato ya mwovu huleta taabu.
Ndani kabisa ya nyumba yako mke wako atakuwa kama mzabibu uliojaa zabibu, na kuizunguka meza yako watoto wako watakuwa kama mimea michanga ya mizeituni.
Huchunga kwa makini yote yanayoendelea nyumbani mwake; kamwe hali chakula asichokifanyia kazi.
Mtu yeyote asiyewatunza jamaa zake, na hasa watu wa nyumbani mwake, ameikana imani, naye ni mbaya kuliko mtu asiyeamini.
Nitajitahidi kuishika njia isiyo na lawama. Utakuja kwangu lini? Ndani ya nyumba yangu mwenyewe nitaishi kwa moyo usiogawanyika.