Mistari ya Biblia Kuhusu Ndoa
Mistari 9 ya Biblia kuhusu Ndoa ya kusoma, kutafakari, na kuikariri.
Hii ndiyo sababu mwanamume huwaacha baba na mama yake na kuambatana na mke wake, nao huwa mwili mmoja.
Ndiyo sababu mwanamume atawaacha baba yake na mama yake na kushikamana na mke wake, nao wawili watakuwa mwili mmoja.
Ninyi nyote mwithamini ndoa, na kukilinda kitanda cha ndoa kisitiwe unajisi; Mungu atawahukumu wale wanaoishi katika uasherati na wale wasio waaminifu katika ndoa.
Kwa hiyo, kile ambacho Mungu amekifunga pamoja kama kwa nira, binadamu yeyote asikitenganishe.”
Mwanamume apataye mke amepata kitu chema na kupokea kibali kutoka kwa BWANA.
Upendo una subira; upendo una wema. Upendo hauna wivu, haujionyeshi, hauvimbi kwa kiburi. Hautendi mambo ya aibu, hautafuti faida yake wenyewe, haupandwi na hasira, wala hauweki hesabu ya makosa. Hauoni raha katika maovu, bali hushiriki furaha ya kweli. Hakuna jambo ambalo upendo hauwezi kulibeba, hakuna wakati unapoacha kuamini au kutumaini, hakuna jambo usiloweza kulistahimili.
Juu ya hayo yote vaeni upendo, ambao huunganisha kila kitu na kukifanya kikamilike.
Chemchemi yako na ibarikiwe; ufurahi na mwanamke uliyemwoa ulipokuwa kijana, ayala mzuri, mbuzi-mwitu wa kupendeza. Matiti yake yakutosheleze kila wakati, na upendo wake ukuchukue siku zote.
Lakini kwa kuwa uasherati umeenea kila mahali, kila mwanamume na akutane kimwili na mke wake mwenyewe, na kila mwanamke vivyo hivyo na mume wake mwenyewe. Mume ampe mkewe kile anachomwia katika ndoa, na mke naye afanye vivyo hivyo kwa mumewe.