Mistari ya Biblia Kuhusu Kulea Watoto Wamchao Mungu
Mistari 11 ya Biblia kuhusu Kulea Watoto Wamchao Mungu ya kusoma, kutafakari, na kuikariri.
Mwanzishe mtoto katika njia anayopaswa kuiendea, naye hata akiwa mzee hatatoka katika njia hiyo.
Yaweke karibu na moyo wako maneno haya ninayokuamuru leo. Wafundishe watoto wako kwa bidii, na uyazungumze ukiwa umeketi nyumbani au ukiwa safarini, wakati wa kulala na wakati wa kuamka.
Akina baba, msiwatendee watoto wenu kwa namna inayowaletea hasira. Badala yake, mwalee kwa mafunzo na marekebisho ya Bwana.
Hatutawaficha watoto wao mambo hayo; tutawapokeza wale watakaokuja baada yetu matendo ambayo kwa ajili yake BWANA husifiwa, nguvu zake, na maajabu aliyoyatenda.
Mrudi mwanao, naye atakupa amani ya moyo; atauletea moyo wako furaha.
Upumbavu umefungwa kwa nguvu moyoni mwa mtoto, bali fimbo ya nidhamu itaufukuza mbali.
Anayeizuia fimbo humchukia mwanawe, bali anayempenda huwahi kumwadibisha.
Naikumbuka imani yako isiyo na unafiki, ambayo ilikaa kwanza ndani ya bibi yako Loisi na ndani ya mama yako Eunike, nami nina hakika kwamba sasa inakaa ndani yako pia.
Mwanangu, sikiliza baba yako anapokuonya, wala usiyaache mafundisho ya mama yako. Kwa maana yatakuwa shada zuri kichwani pako na mapambo yanayoning’inia shingoni mwako.
Ila jilinde, ukaulinde sana uhai wako, usije ukasahau yale ambayo macho yako mwenyewe yameona, wala yasitoke akilini mwako maadamu u hai. Wajulishe watoto wako na wajukuu wako,
Hakuna furaha yangu iliyo kubwa kuliko hii: kusikia kwamba watoto wangu wanaishi katika kweli.