Mistari ya Biblia Kuhusu Upendo na Heshima
Mistari 7 ya Biblia kuhusu Upendo na Heshima ya kusoma, kutafakari, na kuikariri.
Lakini, kurudi kwenu: kila mume ampende mke wake kama anavyojipenda mwenyewe, na mke ahakikishe kwamba anamheshimu mume wake.
Waume, wapendeni wake zenu kama Kristo alivyolipenda kanisa, akajitoa kwa ajili yake.
Vivyo hivyo, wake, wanyenyekeeni waume zenu wenyewe. Hivyo, kama baadhi yao hawalitii neno, mwenendo wenu utawavuta hata bila ninyi kusema neno, watakapoona jinsi mwenendo wenu ulivyo safi na jinsi mnavyomcha Mungu.
Ninyi waume, wapendeni wake wenu, na kamwe msiwe wakali wala wenye chuki kwao.
Upendo una subira; upendo una wema. Upendo hauna wivu, haujionyeshi, hauvimbi kwa kiburi. Hautendi mambo ya aibu, hautafuti faida yake wenyewe, haupandwi na hasira, wala hauweki hesabu ya makosa.
Vivyo hivyo, waume, kaeni na wake zenu kwa ufahamu. Mpeni mwanamke heshima kama chombo kilicho dhaifu zaidi, na kama mtu atakayerithi pamoja nanyi neema ya uzima, ili kusiwe na kitu kinachozuia maombi yenu.
Pendaneni kwa moyo kama ndugu wa familia moja; muwe wa kwanza kuheshimiana.