Mistari ya Biblia Kuhusu Mke Mwenye Tabia Njema
Mistari 12 ya Biblia kuhusu Mke Mwenye Tabia Njema ya kusoma, kutafakari, na kuikariri.
Mke hodari, ni nani awezaye kumpata? Thamani yake ni kubwa sana kuliko marijani.
Nguvu na fahari ni vazi lake, naye huucheka wakati ujao. Maneno yake ni ya hekima, na mafundisho anayotoa yamejaa upendo usiokoma.
Haiba inaweza kudanganya na uzuri hupita kama pumzi, lakini mwanamke amchaye BWANA ndiye anayestahili kusifiwa.
Mke hodari ni taji kichwani mwa mumewe, bali mke anayemwaibisha ni uozo katika mifupa yake.
Mwanamume apataye mke amepata kitu chema na kupokea kibali kutoka kwa BWANA.
Mume wake humwamini kabisa; hakosi kamwe mapato.
Huchunga kwa makini yote yanayoendelea nyumbani mwake; kamwe hali chakula asichokifanyia kazi. Watoto wake huinuka na kumtaja kuwa mbarikiwa; mume wake pia humpa sifa:
Nyumba na mali hurithiwa kutoka kwa wazazi, bali mke mwenye busara hutoka kwa BWANA.
Mwanamke mwenye hekima hujenga nyumba yake, bali mpumbavu huibomoa kwa mikono yake mwenyewe.
Pambo lenu lisiwe la nje: nywele zilizosukwa, vito vya dhahabu na nguo mnazovaa. Bali liwe utu wa ndani uliofichika moyoni, uliopambwa kwa kitu kisichoharibika kamwe, yaani roho ya upole na ya utulivu, ambayo Mungu anaithamini sana.
Mkono wake uko wazi kwa maskini; hunyoosha mkono kumsaidia mhitaji.
Ndipo wataweza kuwazoeza wanawake vijana kuwapenda waume zao na watoto wao, kuwa na kiasi na usafi, kufanya kazi za nyumbani, kuwa wema, na kuwatii waume zao wenyewe, ili mtu yeyote asilinene vibaya neno la Mungu.