Mistari ya Biblia Kuhusu Linda Kinywa Chako
Mistari 13 ya Biblia kuhusu Linda Kinywa Chako ya kusoma, kutafakari, na kuikariri.
Anayechunga kinywa chake na ulimi wake hujilinda asiingie taabuni.
Ee BWANA, weka mlinzi kinywani mwangu; weka askari mlangoni pa midomo yangu.
Wanaochunga maneno yao hulinda maisha yao, bali wanaoropoka huishia kuangamia.
Mtu akijiona kuwa mcha Mungu lakini hauwekei ulimi wake hatamu, anajidanganya mwenyewe, na dini yake ni tupu.
Niliamua moyoni: “Nitakuwa mwangalifu jinsi ninavyoishi, ili ulimi wangu usinitie dhambini. Nitakifunga kinywa changu kwa kizuizi muda wote waovu wakiwa wamesimama mbele yangu.”
Maneno yakiwa mengi, kosa haliko mbali, bali anayezuia maneno yake ana hekima.
Hata wapumbavu hudhaniwa kuwa wenye hekima wakinyamaza; wakifunga midomo yao, huonekana wenye ufahamu.
Nami nawaambia hivi: kila neno la ovyo ambalo watu husema ni neno watakalolazimika kulijibia siku ya hukumu.
Maneno ya haraka hukata kama upanga, bali maneno ya wenye hekima huponya.
Jiepushe na kinywa kilichopotoka; weka midomo ya uongo mbali nawe.
Fahamuni hili kwa hakika, ndugu zangu wapendwa. Kila mtu anapaswa kuwa tayari kusikiliza, kuchelewa kusema, na kuchelewa kukasirika,
Ulimi una uwezo wa uzima na wa kifo, na wanaopenda kusema watakula matunda yake.
Je, unamwona mtu anayesema bila kufikiri? Mpumbavu ana tumaini zaidi kuliko mtu huyo.