Mistari ya Biblia Kuhusu Kumlilia Mungu
Mistari 7 ya Biblia kuhusu Kumlilia Mungu ya kusoma, kutafakari, na kuikariri.
Wenye haki wanapolia, BWANA husikiliza na kuwaweka huru kutoka katika kila taabu inayowapata.
Nilipobanwa sana nilimwita BWANA na kumlilia Mungu wangu. Kutoka hekaluni mwake aliisikiliza sauti yangu; kilio changu kilifika mbele yake na kuingia masikioni mwake.
Wimbo wa kupanda. Nilipokuwa katika taabu nilimlilia BWANA, naye akanijibu.
BWANA yuko karibu na kila anayemlilia, na wote wanaomlilia kwa moyo mnyofu.
Nilimngojea BWANA, nikaendelea kumngojea, naye akaniinamia na kukisikiliza kilio changu cha kuomba msaada.
Siku ya taabu yangu ninakulilia, nikiwa na hakika kwamba utanijibu.
Ninapaza sauti yangu kwa Mungu na kulia; ninapaza sauti yangu kwa Mungu, ili yeye anisikilize.