Mistari ya Biblia Kuhusu Omba, Tafuta, Bisha
Mistari 9 ya Biblia kuhusu Omba, Tafuta, Bisha ya kusoma, kutafakari, na kuikariri.
Endeleeni kuomba, nanyi mtapokea. Endeleeni kutafuta, nanyi mtapata. Endeleeni kubisha hodi, nanyi mtafunguliwa mlango.
Kwa maana kila anayeomba hupokea, yeyote anayetafuta hupata, na anayebisha hodi hufunguliwa mlango.
Na lolote mtakaloomba kwa jina langu, nitalitimiza, ili ndani ya Mwana Baba atukuzwe. Mkiniomba chochote kwa jina langu, mimi mwenyewe nitakifanya.
Mnatamani, lakini hamna. Mnaua na mnaona wivu, lakini hamwezi kupata mnachokitaka. Mnapigana na kufanya vita. Mnapungukiwa, kwa sababu hamwombi. Na mnapoomba, hampokei, kwa sababu mnaomba vibaya: mnataka kutumia mnachopata kwa anasa zenu.
Tunapomkaribia tunakuwa na ujasiri huu: kila tunapoomba jambo linalopatana na mapenzi yake, yeye hutusikiliza.
Basi nawaambia: ombeni, na Mungu atawapa; tafuteni, na mtapata; bisheni hodi, na Mungu atawafungulia mlango.
Kwa maana wote wanaoomba hupokea, wote wanaotafuta hupata, na wote wanaobisha hodi watafunguliwa mlango.
Kwa hiyo nawaambia: chochote mnachoomba mnaposali, aminini kwamba mmekipokea, nanyi mtakipata.
Hadi sasa hamjaomba chochote kwa jina langu. Ombeni nanyi mtapokea, ili furaha yenu iwe kamili.