Bavɛrsɛ ya Biblia na ntína ya Libateli
Bavɛrsɛ 7 ya Biblia na ntína ya Libateli mpo na kotánga, kokanisa, mpe kokanga na motó.
Moto oyo awumelaka kati na ebombamelo ya Ye-Oyo-Aleki-Likolo avandaka na se ya bobatelami ya Nkolo-Na-Nguya-Nyonso. Nalobaka na tina na Yawe: « Nzambe na ngai azali ebombamelo mpe ndako makasi na ngai; natiaka elikya na ngai kati na Ye! »
Yawe akobatela yo na mabe nyonso, akobatela bomoi na yo; Yawe akobatela kokende mpe kozonga na yo, sik’oyo mpe libela na libela.
Boye, kobanga te, pamba te nazali elongo na yo; komitungisa te, mpo ete nazali Nzambe na yo; nakoyeisa yo makasi mpe nakosunga yo; solo, nasimbi yo na loboko na Ngai ya mobali, loboko oyo elongisaka.
Kasi Nkolo azali sembo, akopesa bino makasi mpe akobatela bino liboso ya Satana.
Ozali ebombamelo na ngai; obatelaka ngai mpo ete pasi ekanga ngai te mpe ozingelaka ngai na banzembo ya kokangolama.
Nzembo ya mobembo tango bazalaki kokende na Tempelo ya Yawe. Natomboli miso na ngai na ngambo ya bangomba: lisungi na ngai ekowuta wapi? Lisungi na ngai ewutaka na Yawe oyo akela likolo mpe mabele. Akotika te ete lokolo na yo eselumuka; Ye oyo abatelaka yo animbaka te.
Kombo ya Yawe ezali lokola ndako molayi batonga makasi; moyengebene akimelaka kuna mpe azwaka ebombamelo ya makasi.