Mistari ya Biblia Kuhusu Dumu katika Neno
Mistari 13 ya Biblia kuhusu Dumu katika Neno ya kusoma, kutafakari, na kuikariri.
Kisha Yesu akawaambia Wayahudi waliokuwa wamemwamini, “Mkikaa katika neno langu, hakika ninyi ni wanafunzi wangu.
Mtaijua kweli, na kweli itawafanya kuwa huru.”
Mkikaa ndani yangu na maneno yangu yakakaa ndani yenu, ombeni chochote mnachotaka, nanyi mtafanyiwa.
ikiwa tu mnadumu katika imani, mkiwa imara juu ya msingi wenu na thabiti, bila kuyumbishwa mbali na tumaini mlilopewa katika Injili mliyoisikia. Injili hii imehubiriwa kwa kila kiumbe chini ya mbingu, nami Paulo nimekuwa mtumishi wake.
Lakini mtu anayechunguza kwa makini sheria kamilifu ya uhuru na kuendelea nayo, asiyesikia kisha akasahau bali anayetenda kazi inayotakiwa, atabarikiwa katika kile anachofanya.
Kaeni ndani yangu, nami nitakaa ndani yenu. Tawi haliwezi kuzaa matunda peke yake; ni lazima likae katika mzabibu. Vivyo hivyo, ninyi hamwezi kuzaa matunda msipokaa ndani yangu.
Ninyi, kwa upande wenu, hakikisheni kwamba kile mlichosikia tangu mwanzo kinakaa ndani yenu. Kama kile mlichosikia tangu mwanzo kinakaa ndani yenu, nanyi pia mtakaa ndani ya Mwana na ndani ya Baba.
Neno la Kristo lifanye makao yake kwa wingi kati yenu, kwa hekima yote. Fundishaneni na kuonyana kwa zaburi, nyimbo za sifa na nyimbo anazotoa Roho, na mwimbieni Mungu kwa shukrani kutoka moyoni.
Lakini wewe, dumu katika yale uliyojifunza na kuyahakikisha, kwa kuwa unawajua wale waliokufundisha,
Kwa maana tumekuwa washirika wa Kristo, ilimradi tushikilie uhakika tuliokuwa nao mwanzoni, imara na thabiti, hadi mwisho kabisa.
Walijitoa kikamilifu kwa mafundisho ya mitume na kwa maisha ya kushirikiana, kwa kumega mkate pamoja na kwa maombi.
Yesu akajibu, “Yeyote anayenipenda atalishika neno langu. Baba yangu atampenda, nasi tutakuja kwake na kufanya makao yetu pamoja naye.
Najua matendo yako. Tazama, nimekufungulia mlango, na hakuna mtu awezaye kuufunga. Nguvu zako ni chache, lakini umelishika neno langu, wala hukulikana jina langu.