Mavesi a m'Baibulo Onena za Ulamuliro ndi Kusamalira kwa Mulungu

Palibe chimene chili kunja kwa ulamuliro wa Mulungu; Iye amachita zinthu zonse mogwirizana ndi cholinga cha chifuniro chake. Tikudziwa kuti zinthu zonse zimagwirira ntchito pamodzi kuti zikhale zabwino kwa iwo amene amakonda Mulungu. Mavesi awa amakhazikitsa mtima mu ulamuliro wa Mulungu wanzeru ndi wachikondi pa mbali iliyonse ya moyo.

Ulamuliro wa Mulungu — Masalimo 103:19

Yehova wakhazikitsa mpando wake waufumu mmwamba ndipo ufumu wake umalamulira onse.

Mapulani Ake — Yeremiya 29:11

Pakuti Ine ndikudziwa zimene ndinakukonzerani,” akutero Yehova, “ndimalingalira zabwino zokhazokha za inu osati zoyipa, ayi. Ndimalingalira zinthu zokupatsani chiyembekezo chenicheni pa za mʼtsogolo.

Palibe Chosatheka — Luka 1:37

Pakuti palibe chinthu chosatheka ndi Mulungu.”

Zonse Zimagwirira Ntchito Zabwino — Aroma 8:28

Ndipo ife tikudziwa kuti zinthu zonse zimathandizana kuwachitira ubwino amene amakonda Mulungu, amene anayitanidwa monga mwa cholinga chake.

Nthawi ya Mulungu — Mlaliki 3:1

Chinthu chilichonse chili ndi nthawi yake, ndi nyengo yake yomwe anayika Mulungu:

Kudalira Ulamuliro Wake — Miyambo 16:9

Mtima wa munthu umalingalira zochita, koma Yehova ndiye amakhazikitsa njira zake.

Mulungu Akulamulira — Masalimo 93:1

Yehova akulamulira, wavala ulemerero; Yehova wavala ulemerero ndipo wadzimangirira mphamvu, dziko lonse lakhazikika kolimba; silingasunthidwe.

Wowumba ndi Dongo — Yesaya 64:8

Komabe, Inu Yehova ndinu Atate athu. Ife ndife chowumba, Inu ndinu wowumba; ife tonse ndi ntchito ya manja anu.

Zolinga Zake Zimakhazikika — Yesaya 46:10

Ndinaneneratu zakumathero kuchokera pachiyambi pomwe. Kuyambira nthawi yamakedzana ndinaloseratu zoti zidzachitike. Ndikanena zimene ndifuna kuchita ndipo zimachitikadi. Chilichonse chimene ndafuna ndimachichita.

Mulungu Amagwira Ntchito Zonse — Aefeso 1:11

Iye anatisankhiratu mwa Khristu, atatikonzeratu molingana ndi machitidwe a Iye amene amachititsa zinthu zonse kuti zikwaniritse cholinga cha chifuniro chake,

Yehova Amatsogolera Mapazi Athu — Miyambo 20:24

Mayendedwe a munthu amawalamulira ndi Yehova, tsono munthu angadziwe bwanji njira yake?

Masiku Athu Ali M'manja Mwake — Masalimo 31:15

Masiku anga ali mʼmanja mwanu; ndipulumutseni kwa adani anga ndi kwa iwo amene akundithamangitsa.