Mavesi a m'Baibulo Onena za Chitetezo
Mavesi 7 a m'Baibulo onena za Chitetezo oti muwerenge, musinkhasinkhe, ndi kuloweza.
Iye amene amakhala mu mthunzi wa Wammwambamwamba adzapuma mu mthunzi wa Wamphamvuzonse. Ndidzanena za Yehova, “Iye ndiye pothawira panga ndi linga langa, Mulungu wanga amene ndimadalira.”
Yehova adzakuteteza ku zoyipa zonse; adzasunga moyo wako. Yehova adzayangʼanira kutuluka kwako ndi kulowa kwako; kuyambira tsopano mpaka muyaya.
Tsono usaope, pakuti Ine ndili nawe; usataye mtima chifukwa Ine ndine Mulungu wako. Ndidzakupatsa mphamvu ndipo ndidzakuthandiza, ndidzakutchinjiriza ndi dzanja langa lamanja logonjetsa.
Koma Ambuye ndi wokhulupirika, ndipo adzakulimbikitsani ndi kukutetezani kwa woyipayo.
Inu ndi malo anga obisala; muzinditeteza ku mavuto ndipo muzindizinga ndi nyimbo zachipulumutso. Sela
Ndikweza maso anga ku mapiri; kodi thandizo langa limachokera kuti? Thandizo langa limachokera kwa Yehova, wolenga kumwamba ndi dziko lapansi. Sadzalola kuti phazi lako literereke; Iye amene amakusunga sadzawodzera.
Dzina la Yehova lili ngati nsanja yolimba; wolungama amathawiramo napulumuka.