Mavesi a m'Baibulo Onena za Kunena Zoona
Mavesi 14 a m'Baibulo onena za Kunena Zoona oti muwerenge, musinkhasinkhe, ndi kuloweza.
Pakamwa pa bodza pamamunyansa Yehova, koma amakondwera ndi anthu oyankhula zoona.
Muyeso wachinyengo Yehova umamunyansa, koma amakondwera ndi muyeso woyenera.
Chifukwa chake, aliyense wa inu aleke kunama ndipo ayankhule zoona kwa mʼbale wake, pakuti ife tonse ndife ziwalo za thupi limodzi.
Zinthu zoti muchite ndi izi: Muziwuzana zoona zokhazokha, muziweruza moona ndi mwachilungamo mʼmabwalo anu;
Pakuti tikuyesetsa kuchita zolondola, osati pamaso pa Ambuye pokha komanso pamaso pa anthu.
Mawu owona amakondweretsa mfumu. Iyo imakonda munthu woyankhula choonadi.
Musanamizane wina ndi mnzake, popeza munavula munthu wakale pamodzi ndi zochita zake
“ ‘Musabe. “ ‘Musamanamizane. “ ‘Musachitirane zinthu mwachinyengo.
Ndi wabwino munthu wosauka amene amayenda mu ungwiro, aposa munthu wopusa woyankhula zokhota.
Mutipempherere ifenso. Pakuti tikutsimikiza kuti tili ndi chikumbumtima changwiro ndipo timafuna kuchita zinthu zonse mwaulemu.
Woyankhula mawu owona ndiye amaonetsa chibwenzi chenicheni.
Musabwezere choyipa ndi choyipa kwa aliyense. Samalitsani kuchita chabwino pamaso pa aliyense.
Miyeso yosintha imamunyansa Yehova; ndipo masikelo onyenga si abwino.
asunge lilime lake ku zoyipa ndi milomo yake kuti isayankhule zonama.