Mistari ya Biblia Kuhusu Kujitoa kwa Moyo Wote
Mistari 9 ya Biblia kuhusu Kujitoa kwa Moyo Wote ya kusoma, kutafakari, na kuikariri.
Yesu akamjibu, “’Mpende Bwana Mungu wako kwa moyo wako mzima, kwa nafsi yako nzima, na kwa akili yako nzima.’
Mpende BWANA Mungu wako kwa moyo wako wote, kwa nafsi yako yote, na kwa nguvu zako zote.
Ikiwa kumtumikia BWANA kunaonekana vibaya kwenu, basi fanyeni uchaguzi wenu leo. Mtamtumikia nani? Miungu ambayo babu zenu waliitumikia upande wa pili wa Mto, au miungu ya Waamori ambao sasa mnaishi katika nchi yao? Mimi na watu wa nyumbani mwangu tutamtumikia BWANA.”
Mwamini BWANA kwa moyo wako mzima, wala usijiegemeze kwenye busara yako mwenyewe. Mkumbuke yeye katika kila unalofanya, naye atakutengenezea njia iliyonyooka mbele yako.
Lolote mnalofanya, lifanyeni kwa moyo wenu wote, kama kwa ajili ya Bwana na si kwa ajili ya watu,
Nawe umpende Bwana Mungu wako kwa moyo wako wote, kwa nafsi yako yote, kwa akili yako yote na kwa nguvu zako zote.’
Ee BWANA, unifundishe njia yako, nami nitaishi kwa kufuata kweli yako; unipe moyo usiogawanyika, ulicheshimu jina lako.
Basi mioyo yenu na iwe kamili kwa BWANA Mungu wetu, mkiishi kwa kufuata kanuni zake na kushika amri zake, kama mnavyofanya leo.”
Kwa maana macho ya BWANA yanazunguka duniani kote, ili aonyeshe nguvu zake kwa ajili ya wale ambao mioyo yao imejitoa kwake kikamilifu. Umetenda kwa upumbavu katika jambo hili, na tangu sasa utakabiliwa na vita.”