Mistari ya Biblia Kuhusu Kufanya Mapenzi ya Mungu
Mistari 11 ya Biblia kuhusu Kufanya Mapenzi ya Mungu ya kusoma, kutafakari, na kuikariri.
Si kila mtu anayeniita ‘Bwana, Bwana’ ataingia katika ufalme wa mbinguni, ila wale tu wanaofanya yale ambayo Baba yangu wa mbinguni anataka.
Msikubali zama hizi za sasa ziwafinyange kwa umbo lake, bali mbadilishwe kabisa kadiri akili zenu zinavyofanywa mpya. Ndipo mtaweza kupima na kutambua mapenzi ya Mungu: yaliyo mema, yanayompendeza na yaliyo kamili.
Haya ndiyo mapenzi ya Mungu kwenu: kwamba mwe watakatifu. Jiepusheni na uasherati.
Msifanye kazi wakati tu wanapowaona, ili mpate kibali chao. Fanyeni kazi kama watumwa wa Kristo, wanaofanya mapenzi ya Mungu. Tumikeni kama watumwa kwa moyo wenu wote
awaandae kikamilifu katika kila jambo jema ili mfanye mapenzi yake. Na afanye ndani yetu lolote linalompendeza, kupitia Yesu Kristo. Kwake uwe utukufu hata zama zote. Amina.
Mtu yeyote anayefanya mapenzi ya Mungu ndiye ndugu yangu, dada yangu na mama yangu.”
Mtu yeyote aliyeazimia kufanya mapenzi yake atajua kama mafundisho haya yanatoka kwa Mungu, au kama nasema kwa mamlaka yangu mwenyewe.
Ndiyo sababu, tangu siku tuliposikia habari zenu, hatujaacha kusali kwa ajili yenu. Tunamwomba Mungu awajaze ujuzi wa mapenzi yake, pamoja na hekima yote na ufahamu unaotoka kwa Roho, ili mpate kuishi maisha yanayomstahili Bwana na kumpendeza katika kila jambo, mkizaa matunda katika kila aina ya kazi njema na kukua katika kumjua Mungu.
Ulimwengu unapita, na tamaa zake pamoja nao; lakini anayetenda mapenzi ya Mungu anakaa milele.
Mungu wangu, ninapenda kufanya yale unayotaka; mafundisho yako yamo ndani kabisa mwangu.”
Hivyo muda wenu uliobaki katika mwili hamtauishi tena kwa ajili ya tamaa za kibinadamu, bali kwa ajili ya kile Mungu anachotaka.