Mistari ya Biblia Kuhusu Kuuchukua Msalaba
Mistari 15 ya Biblia kuhusu Kuuchukua Msalaba ya kusoma, kutafakari, na kuikariri.
Kisha Yesu aliwaambia wanafunzi wake, “Yeyote anayetaka kuja nyuma yangu lazima ajikane, aubebe msalaba wake, na anifuate.
Kisha akawaambia wote, “Yeyote anayetaka kuja nyuma yangu ni lazima ajikane, aubebe msalaba wake kila siku, na aendelee kunifuata.
Si mimi tena ninayeishi; Kristo ndiye anayeishi ndani yangu. Maisha yoyote ninayoishi bado katika mwili, ni maisha ya imani katika Mwana wa Mungu, aliyenipenda na kujitoa mwenyewe kwa ajili yangu.
Kisha akauita umati pamoja na wanafunzi wake, akawaambia, “Mtu yeyote anayetaka kuja nyuma yangu ni lazima ajikatae mwenyewe, abebe msalaba wake, na anifuate.
Nataka kumjua yeye, kujua nguvu ya ufufuo wake, na maana ya kushiriki mateso yake, ninapofanywa kufanana naye katika kifo chake,
Mtu asipoubeba msalaba wake mwenyewe na kutembea nyuma yangu, hawezi kuwa mwanafunzi wangu.
Yeyote anayekataa kuubeba msalaba wake mwenyewe na kutembea nyuma yangu hanistahili.
Tunajua hili: nafsi yetu ya zamani ilipigiliwa msalabani pamoja na yeye, ili mwili wa dhambi unyang’anywe nguvu zake, nasi tusiwe tena watumwa wanaoitumikia dhambi.
Ni kwa ajili ya hili Mungu aliwaita, kwa sababu Kristo pia aliteswa kwa ajili yenu, akawaachia mfano wa kunakili, ili mtembee katika nyayo zake.
Ikiwa sisi ni watoto, basi sisi ni warithi pia. Sisi ni warithi wa Mungu, na tunarithi pamoja na Kristo, ikiwa tunateseka pamoja naye ili tutukuzwe pia pamoja naye.
Msemo huu ni wa kuaminika: Kama tulikufa pamoja naye, tutaishi pia pamoja naye. Tukivumilia, tutatawala pia pamoja naye. Tukimkana, yeye pia atatukana.
Yeyote anayejitahidi kuyaokoa maisha yake mwenyewe atayapoteza. Lakini yeyote atakayeyapoteza maisha yake kwa ajili yangu atayaokoa.
Yesu akamtazama kwa makini, akampenda. Akamwambia, “Bado unakosa jambo moja. Nenda ukauze mali yako yote, uwagawie maskini fedha hizo. Ndipo utakuwa na hazina mbinguni. Baada ya hapo, njoo unifuate.”
Sasa nafurahi kuteseka kwa ajili yenu. Katika mwili wangu mwenyewe ninakamilisha kile ambacho bado kinakosekana katika taabu za Kristo, kwa ajili ya mwili wake, yaani kanisa.
Wanaotaka kuyalinda maisha yao wenyewe watayapoteza, na wanaoyapoteza maisha yao kwa ajili yangu watayapata.