Mistari ya Biblia Kuhusu Utii
Mistari 11 ya Biblia kuhusu Utii ya kusoma, kutafakari, na kuikariri.
Kama mnanipenda, mtashika amri nilizowapa.
Samweli akasema, “Je, BWANA hupendezwa na sadaka za kuteketezwa na dhabihu kama anavyopendezwa na kuitii sauti ya BWANA? Tazama, kutii ni bora kuliko dhabihu, na kusikiliza ni bora kuliko mafuta ya kondoo dume.
Muwe watu wanaolitekeleza neno, si watu wanaolisikia tu. La sivyo mnajidanganya wenyewe.
Yesu akajibu, “Yeyote anayenipenda atalishika neno langu. Baba yangu atampenda, nasi tutakuja kwake na kufanya makao yetu pamoja naye.
Kwa maana kumpenda Mungu ni kushika amri zake, na amri hizo si mzigo,
Kitabu hiki cha sheria kiwe midomoni mwako daima, ukikitafakari mchana na usiku, ili uwe mwangalifu kufanya yote yaliyoandikwa ndani yake. Hapo njia zako zitafika mwisho mwema, nawe utatenda kwa hekima na kufanikiwa.
Kwa nini mnaendelea kuniita ‘Bwana, Bwana,’ wakati hamfanyi ninayowaambia?
Ninyi ni rafiki zangu mkitekeleza ninayowaamuru.
Petro na mitume wengine walijibu, “Ni Mungu tunayepaswa kumtii kuliko wanadamu.
Lakini Mungu ashukuriwe! Zamani mlikuwa watumwa wa dhambi, lakini mkatii kwa moyo wote kielelezo cha mafundisho ambacho mlikabidhiwa kwacho ili kiwatunze.
Ishini kama watoto wanaotii. Msikubali kuundwa na tamaa mlizokuwa mkizifuata zamani, mlipokuwa bado hamjui jambo lililo bora.