Mistari ya Biblia Kuhusu Mbegu ya Neno
Mistari 14 ya Biblia kuhusu Mbegu ya Neno ya kusoma, kutafakari, na kuikariri.
Maana ya mfano huo ni hii: mbegu ni neno la Mungu.
Zile zilizo katika udongo mzuri ni watu wenye moyo mwema na mnyoofu. Wanalisikia neno, wanalishika, na kwa saburi wanazaa matunda.
Lakini wengine ni kama mbegu iliyopandwa katika udongo mzuri. Hao hulisikia neno, hulikubali, na kuzaa mazao, mara thelathini, mara sitini, au mara mia ya kile kilichopandwa.”
Mmezaliwa upya, si kwa mbegu inayokufa, bali kwa mbegu isiyoweza kufa, kupitia neno la Mungu, lililo hai na linalodumu.
Lakini mbegu iliyopandwa kwenye udongo mzuri ni mtu anayesikia neno na kulielewa. Mtu huyo kweli hutoa mazao, mara mia ya kile kilichopandwa, au mara sitini, au mara thelathini.”
Mkulima hupanda neno.
Na nyingine ilianguka kwenye udongo mzuri, ikaota, ikatoa mavuno mara mia.” Alipokuwa akisema hayo, alipaza sauti, “Yeyote mwenye masikio ya kusikia, na asikilize!”
Aliwaeleza mambo mengi kwa mifano. Akasema, “Sikilizeni! Mpandaji mmoja alikwenda kupanda mbegu. Alipokuwa akipanda, baadhi ya mbegu zilianguka kando ya njia, nao ndege wakaja wakazidonoa zote. Nyingine zilianguka kwenye sehemu zenye miamba ambapo udongo ulikuwa kidogo. Zilichipuka upesi kwa kuwa udongo haukuwa na kina, lakini jua lilipochomoza, mimea hiyo michanga iliungua, na kwa kuwa haikuwa na mizizi, ikanyauka. Nyingine zilianguka kati ya vichaka vya miiba, nayo miiba ikakua ikazikaba. Lakini nyingine zilianguka kwenye udongo mzuri, zikatoa nafaka: mara mia ya kile kilichopandwa, au mara sitini, au mara thelathini. Yeyote aliye na masikio na asikilize.”
Basi vueni kila kitu kichafu na uovu unaofurika, na kwa roho ya upole mlipokee neno lililopandwa ndani yenu, ambalo lina nguvu ya kuokoa nafsi zenu.
Akasema pia, “Ufalme wa Mungu uko hivi: mtu hutupa mbegu ardhini. Usiku analala, mchana anaamka, na mbegu inachipua na kukua, ingawa yeye hajui jinsi inavyokua.
Mimi nilipanda, Apolo akamwagilia maji, lakini Mungu ndiye aliyekuwa akiikuza wakati wote.
“Mpandaji mmoja alitoka kwenda kutawanya mbegu zake. Alipokuwa akipanda, baadhi ya mbegu zilianguka kando ya njia, zikakanyagwa, nao ndege wakazila zote.
Kweli kweli nawaambia, punje ya ngano isipoanguka ardhini na kufa, inabaki punje moja tu; lakini ikifa, inazaa matunda mengi.
Mtu yeyote asiwapotoshe: Mungu si wa kudharauliwa. Watu watavuna kile kile wanachopanda. Wanaopanda katika asili yao ya dhambi watavuna uozo kutoka kwayo; lakini wanaopanda katika Roho watavuna kutoka kwa Roho mavuno ya uzima wa milele.