Mistari ya Biblia Kuhusu Mmojawapo wa Wadogo Hawa
Mistari 14 ya Biblia kuhusu Mmojawapo wa Wadogo Hawa ya kusoma, kutafakari, na kuikariri.
Mfalme atawajibu, ‘Kweli nawaambia, kila mara mlipomfanyia jambo hilo mmoja wa hawa ndugu zangu, hata yule mdogo kuliko wote, mlinifanyia mimi.’
Kwa maana nilipokuwa na njaa, mlinipa chakula; nilipokuwa na kiu, mlinipa maji ya kunywa; nilipokuwa mgeni, mlinikaribisha nyumbani kwenu; nilipokuwa sina nguo, mlinivalisha; nilipokuwa mgonjwa, mlinihudumia; nilipokuwa gerezani, mlikuja kuniona.’
Anayemhurumia maskini anamkopesha BWANA, naye atamlipa kwa yale aliyoyatenda.
Msisahau kuwafungulia wageni milango ya nyumba zenu. Kwa kufanya hivyo, watu wengine wamewapokea malaika kama wageni wao, na hawakujua kamwe.
Na yeyote atakayempa mmoja wa wadogo hawa hata kikombe kimoja tu cha maji baridi kwa sababu ni mwanafunzi, kweli nawaambia, hatakosa kamwe ujira wake.”
Kisha atawajibu, ‘Kweli nawaambia, kila mara mliposhindwa kumfanyia jambo hilo mmoja wa hawa, hata yule mdogo kuliko wote, mlishindwa kunifanyia mimi.’
Na mtu anapomkaribisha mtoto kama huyu kwa ajili yangu, ni mimi anayenikaribisha.
Mtu yeyote atakayewapa kikombe cha maji mnywe kwa sababu ninyi ni wa Kristo, kweli nawaambia, mtu huyo hatakosa kamwe thawabu yake.
Kisha akawaambia, “Yeyote anayempokea mtoto huyu kwa jina langu ananipokea mimi. Na yeyote anayenipokea mimi anampokea yule aliyenituma. Kwa maana aliye mdogo kuliko wote miongoni mwenu, huyo ndiye aliye mkuu.”
Kisha wenye haki watajibu, ‘Bwana, ni lini tulikuona ukiwa na njaa tukakupa chakula, au ukiwa na kiu tukakupa maji ya kunywa? Ni lini tulikuona ukiwa mgeni tukakukaribisha nyumbani, au huna nguo tukakuvalisha? Ni lini tulikuona ukiwa mgonjwa au gerezani tukaja kwako?’
Kwa hiyo, kila tunapopata fursa, tuwatendee wote mema, na zaidi ya yote wale walio wa familia ya imani.
Tuseme ndugu wa kiume au wa kike hana nguo za kutosha wala chakula cha siku hiyo, na mmoja wenu akawaambia, “Nendeni kwa amani; mpate joto na mle mshibe,” lakini hamwapi mahitaji ya mwili. Inafaa nini?
Tuseme mtu ana mali ya kutosha ya ulimwengu huu, akamwona ndugu yake mwenye shida, lakini akamfungia moyo wake. Upendo wa Mungu unawezaje kukaa ndani ya mtu wa namna hiyo?
Jihadharini msimdharau kamwe hata mmoja wa wadogo hawa. Nawaambia, malaika wao mbinguni husimama daima mbele za Baba yangu aliye mbinguni.