Mistari ya Biblia Kuhusu Mungu Aonaye
Mistari 11 ya Biblia kuhusu Mungu Aonaye ya kusoma, kutafakari, na kuikariri.
Basi akampa BWANA aliyesema naye jina hili: “Wewe ndiwe Mungu anayeniona.” Kwa maana alisema, “Je, kweli nimemwona yeye anayenilinda?”
Hakuna mahali BWANA asipoona; macho yake huwaangalia wabaya na wema pia.
Kwa kiongozi wa kwaya. Ya Daudi. Zaburi. Ee BWANA, umenitazama ndani kabisa, nawe unanijua. Iwe ninaketi au ninainuka, unajua; hata ukiwa mbali unatambua ninachofikiri.
Hakuna kitu kilichoumbwa kilichofichika mbele yake. Vitu vyote vimevuliwa kila kifuniko na viko wazi mbele ya macho ya yule ambaye tunapaswa kumjibu.
Kwa maana macho ya BWANA yanazunguka duniani kote, ili aonyeshe nguvu zake kwa ajili ya wale ambao mioyo yao imejitoa kwake kikamilifu. Umetenda kwa upumbavu katika jambo hili, na tangu sasa utakabiliwa na vita.”
BWANA hutazama kutoka mbinguni na kumwona kila mwanadamu. Kutoka mahali anapoishi, huwaangalia kwa makini wote wanaoishi duniani, ndiye aliyeiumba mioyo ya kila mmoja wao, naye huyaona yote wanayoyatenda.
Ningeweza kwenda wapi ili niepukane na Roho wako? Ningekimbilia wapi ili nijiepushe na uwepo wako? Nikipanda juu mbinguni, wewe uko huko; nikilala Kuzimu, wewe uko huko pia. Nikiruka juu ya mbawa za alfajiri na kwenda kuishi ng’ambo ya bahari iliyo mbali kabisa, huko pia mkono wako ungekuwa ukiniongoza, na mkono wako wa kulia ungenishika.
BWANA yuko katika hekalu lake takatifu; kiti cha enzi cha BWANA kiko mbinguni. Macho yake yanatazama; mtazamo wake unamchunguza kila mwanadamu.
Kwa maana kila anachofanya mtu kiko wazi mbele ya BWANA, naye huipima kila njia anayoifuata.
Asiruhusu kamwe mguu wako ujikwae; yeye anayekulinda asisinzie kamwe. Hakika, anayemlinda Israeli hasinzii kamwe wala halali.
Mnaweza kununua shomoro watano kwa mshahara wa saa moja hivi, sivyo? Hata hivyo, Mungu hamsahau hata mmoja wao. Naam, kila unywele wa kichwa chenu umehesabiwa. Kwa hiyo msiogope. Ninyi ni wa thamani kuliko shomoro wengi mno.