Mistari ya Biblia Kuhusu Yehova Yire (Bwana Hutoa)
Mistari 11 ya Biblia kuhusu Yehova Yire (Bwana Hutoa) ya kusoma, kutafakari, na kuikariri.
Abrahamu aliyaita mahali pale “BWANA Atashughulikia.” Ndiyo sababu hata leo watu husema, “Katika mlima wa BWANA itashughulikiwa.”
Na Mungu wangu atawapa kila mnachohitaji, kulingana na utajiri wake mtukufu katika Kristo Yesu.
Zaidi ya yote, utafuteni ufalme na haki yake, nanyi mtapewa mambo haya yote pia.
Zaburi ya Daudi. BWANA ni mchungaji wangu; sitapata kuhitaji kitu kamwe.
Abrahamu akajibu, “Mungu atashughulikia mwanakondoo wa sadaka yake ya kuteketezwa, mwanangu.” Nao wawili wakaendelea kutembea pamoja.
Abrahamu alipoinua macho, alimwona nyuma yake kondoo dume aliyenaswa pembe zake vichakani. Akaenda, akamchukua yule kondoo dume, akamtoa kuwa sadaka ya kuteketezwa badala ya mwanawe.
Mungu anaweza kuwapa kila neema kwa wingi, ili kwa kila namna na kila wakati mwe na yote mnayohitaji, na zaidi ya kutosha kwa kila kazi njema.
Mcheni BWANA, ninyi nyote watu wake mliotengwa; hakuna kinachowapungukia wale wanaomcha. Hata simba wachanga huweza kupungukiwa na kuona njaa, lakini wale wanaomtafuta BWANA hawatakosa kitu chochote kizuri.
Badala yake, iwekeni mioyo yenu katika ufalme wake, nanyi mtapewa mambo hayo pia.
Mungu hakumzuilia hata Mwana wake mwenyewe, bali alimkabidhi kwa ajili yetu sote. Basi angewezaje kukosa kutupa kila kitu pamoja naye kama zawadi ya bure?
Huwalisha wale wanaomcha, na hulikumbuka agano lake nyakati zote.