Mistari ya Biblia Kuhusu Kanisa

Kwa hiyo ninyi si wageni tena wala wakazi wasio na haki za raia. Mmekuwa raia pamoja na watu wa Mungu walio watakatifu, na ninyi ni wa nyumba ya Mungu. Mmejengwa juu ya mitume na manabii kama msingi wenu, na jiwe la pembeni ni Kristo Yesu mwenyewe.

Ninyi ni mwili wa Kristo, na kila mmoja wenu ni sehemu yake.

Walijitoa kikamilifu kwa mafundisho ya mitume na kwa maisha ya kushirikiana, kwa kumega mkate pamoja na kwa maombi.

Yeye pia ni kichwa cha mwili, yaani kanisa. Yeye ndiye mwanzo, wa kwanza kuzaliwa kutoka miongoni mwa wafu, ili awe na nafasi ya kwanza katika kila kitu.

wakimsifu Mungu, na watu wote waliwaheshimu. Na kila siku Bwana aliongeza katika kundi lao watu wengine waliokuwa wakiokolewa.

Waume, wapendeni wake zenu kama Kristo alivyolipenda kanisa, akajitoa kwa ajili yake. Alifanya hivyo ili alitakase, akilisafisha kwa kuliosha kwa maji na kwa neno, ili alilete kanisa kwake likiwa na utukufu, bila doa wala kunyanzi wala kasoro yoyote ya namna hiyo, bali takatifu na lisilo na lawama.

ili, nikichelewa, ujue jinsi watu wanavyopaswa kuishi katika nyumba ya Mungu, yaani kanisa la Mungu aliye hai, nguzo na msingi wa kweli.

Lakini ninyi ni jamii teule, ukuhani wa kifalme, taifa takatifu, watu ambao Mungu amewafanya kuwa mali yake mwenyewe, ili mtangaze matendo makuu ya yule aliyewaita kutoka gizani kuingia katika nuru yake ya kustaajabisha. Wakati fulani hamkuwa watu wamoja; sasa ni watu wa Mungu. Hamkuwa mmeonyeshwa rehema; sasa Mungu amewaonyesha rehema.

Hapana, mmeukaribia Mlima Sayuni, mji wa Mungu aliye hai, Yerusalemu ya mbinguni. Mmewakaribia malaika makumi ya maelfu, sherehe kuu na kusanyiko la wazaliwa wa kwanza walioandikishwa mbinguni. Mmemkaribia hakimu aliye Mungu wa wote, na roho za watu wenye haki waliofanywa kamili,

Ni yeye aliyewatoa wengine wawe mitume, wengine manabii, wengine wainjilisti, na wengine wachungaji na walimu. Aliwatoa ili wawaandae watakatifu wa Mungu kwa kazi ya kuhudumu, ili mwili wa Kristo ujengwe, mpaka sisi sote tufikie umoja wa imani na wa kumjua Mwana wa Mungu. Hapo tutakuwa mtu mzima aliyekomaa, tukiwa tumekua hadi kufikia kipimo kamili cha kimo kinachotokana na utimilifu wa Kristo.

Vivyo hivyo, ingawa tu wengi, sisi ni mwili mmoja katika Kristo, na kila mmoja wetu ni kiungo cha wengine wote.

Tufurahi na kushangilia sana, tumpe yeye utukufu, kwa maana arusi ya Mwanakondoo imefika, na bibi arusi wake amejiandaa.

Je, hamjui kwamba ninyi kwa pamoja ni hekalu la Mungu, na kwamba Roho wa Mungu anaishi kati yenu?

Mungu ameweka vitu vyote chini ya miguu ya Kristo, na amemtoa yeye kwa kanisa awe kichwa juu ya vitu vyote. Kanisa ni mwili wake. Ni utimilifu wake, uliojazwa na yeye anayejaza kila kitu kila mahali na kwa kila namna.