Mistari ya Biblia Kuhusu Ukaribishaji
Mistari 12 ya Biblia kuhusu Ukaribishaji ya kusoma, kutafakari, na kuikariri.
Changieni mahitaji ya watakatifu, na muwe na hamu ya kuwakaribisha wageni.
Msisahau kuwafungulia wageni milango ya nyumba zenu. Kwa kufanya hivyo, watu wengine wamewapokea malaika kama wageni wao, na hawakujua kamwe.
Karibishaneni majumbani mwenu bila kulalamika.
Badala yake, unapofanya karamu, waalike maskini, walemavu wa viungo, viwete na vipofu. Nawe utakuwa mwenye heri, kwa maana wao hawana njia ya kukulipa. Malipo yako yatakuja wakati wa ufufuo wa wenye haki.”
Kwa hiyo ni wajibu wetu kuwakaribisha na kuwategemeza watu kama hao, na hivyo tuwe washirika katika kazi ya kweli.
Kwa hiyo mwangalizi ni lazima awe mtu ambaye hakuna anayeweza kumlaumu kwa haki: mwaminifu kwa mke wake mmoja, mwenye akili timamu, mwenye kiasi, anayeheshimika, mkarimu kwa wageni, anayeweza kufundisha,
Awe mkarimu kwa wageni, apende yaliyo mema, awe na kiasi, mwenye haki, mtakatifu na mwenye kujitawala.
Kwa maana nilipokuwa na njaa, mlinipa chakula; nilipokuwa na kiu, mlinipa maji ya kunywa; nilipokuwa mgeni, mlinikaribisha nyumbani kwenu;
Kisha akamwambia pia mwenyeji wake, “Unapoandaa chakula cha mchana au cha jioni, usiwaalike rafiki zako, ndugu zako, jamaa zako, wala majirani zako matajiri. Wao wanaweza kukualika nawe, na hayo yakawa ndiyo malipo yako. Badala yake, unapofanya karamu, waalike maskini, walemavu wa viungo, viwete na vipofu. Nawe utakuwa mwenye heri, kwa maana wao hawana njia ya kukulipa. Malipo yako yatakuja wakati wa ufufuo wa wenye haki.”
BWANA alimtokea Abrahamu karibu na miti mikubwa ya Mamre. Ilikuwa wakati wa joto kali la mchana, na Abrahamu alikuwa ameketi mlangoni pa hema lake. Aliinua macho akaona watu watatu wamesimama hatua kadhaa mbali. Alipowaona, akakimbia kutoka mlangoni pa hema kuwalaki, akasujudu hadi chini. “Bwana wangu,” akasema, “ikiwa umeridhika nami, tafadhali usimpite mtumishi wako bila kusimama. Niwaletee maji kidogo ili mnawe miguu; kisha pumzikeni hapa kivulini mwa mti. Nitaleta mkate kidogo ili mpate nguvu kabla ya kuendelea na safari yenu, kwa kuwa mmefika kwa mtumishi wenu.” Wakajibu, “Ndiyo, fanya kama ulivyopendekeza.”
Alipokwisha kubatizwa pamoja na watu wa nyumbani mwake, alitusihi, akisema, “Ikiwa mmeridhika kwamba mimi ni mwaminifu kwa Bwana, njooni nyumbani kwangu mkae.” Hakukubali tukatae.
Jambo kuu kuliko yote, dumisheni upendo wenu ninyi kwa ninyi, uwe imara na usiokoma, kwa sababu upendo hufunika dhambi nyingi sana. Karibishaneni majumbani mwenu bila kulalamika.