Mistari ya Biblia Kuhusu Ushirika
Mistari 8 ya Biblia kuhusu Ushirika ya kusoma, kutafakari, na kuikariri.
Walijitoa kikamilifu kwa mafundisho ya mitume na kwa maisha ya kushirikiana, kwa kumega mkate pamoja na kwa maombi.
Lakini tukitembea katika nuru, kama vile yeye alivyo katika nuru, tuna ushirika sisi kwa sisi, na damu ya Yesu, Mwana wake, inaendelea kutusafisha kutoka kila dhambi.
Pia tuwe tukiwafikiria wenzetu, ili tuamshane katika upendo na matendo mema. Tusiikimbie mikutano yetu wenyewe, kama baadhi walivyojijengea tabia hiyo; bali tuendelee kutiana moyo, na tufanye hivyo zaidi na zaidi kadiri mnavyoona siku ile inazidi kukaribia.
Siku baada ya siku waliendelea kukusanyika hekaluni kwa umoja; nyumbani walimega mkate, wakila chakula chao kwa mioyo yenye furaha na isiyo na hila,
Basi ikiwa kuwa ndani ya Kristo kunawatia moyo kwa namna yoyote, ikiwa upendo unawafariji kwa namna yoyote, ikiwa mnashiriki kwa namna yoyote katika Roho, ikiwa mna upendo mwororo na huruma, basi ijazeni furaha yangu hadi ifurike: muwe na nia moja, mshikamane katika upendo uleule, muwe wamoja moyoni, na mwelekeze mawazo yenu kwenye lengo moja.
Tunawatangazia ninyi pia yale tuliyoyaona na kuyasikia, ili nanyi mwe na ushirika pamoja nasi. Na ushirika tulio nao ni pamoja na Baba na pamoja na Mwana wake, Yesu Kristo.
Mungu ni mwaminifu. Yeye ndiye aliyewaita muwe na ushirika na Mwana wake, Yesu Kristo Bwana wetu.
Waumini wote walikaa pamoja, na walihesabu vyote walivyokuwa navyo kuwa mali ya wote. Waliuza mashamba na mali zao, wakagawa fedha kwa wote, kulingana na mahitaji ya kila mmoja.