Mistari ya Biblia Kuhusu Imara katika Imani

Kaeni macho. Simameni imara katika imani. Kuweni jasiri na hodari.

Kwa hiyo, chukueni silaha kamili za Mungu. Ndipo mtaweza kupinga katika siku ile mbaya, na baada ya kumaliza yote, mtabaki mmesimama.

Kwa hiyo jiwekeni chini ya Mungu. Simameni imara dhidi ya Ibilisi, naye atakimbia mbali nanyi.

Tuushikilie ukiri wa tumaini letu bila kulegea hata kidogo, kwa kuwa yule aliyetoa ahadi hiyo ni mwaminifu.

Basi, ndugu zangu wapendwa, simameni imara bila kutikisika, mkizidi kufanya kazi ya Bwana siku zote, kwa kuwa mnajua kwamba katika Bwana kazi yenu ngumu haipotei bure.

ikiwa tu mnadumu katika imani, mkiwa imara juu ya msingi wenu na thabiti, bila kuyumbishwa mbali na tumaini mlilopewa katika Injili mliyoisikia. Injili hii imehubiriwa kwa kila kiumbe chini ya mbingu, nami Paulo nimekuwa mtumishi wake.

Kwa maana tumekuwa washirika wa Kristo, ilimradi tushikilie uhakika tuliokuwa nao mwanzoni, imara na thabiti, hadi mwisho kabisa.

Kristo alituweka huru ili tuishi katika uhuru. Kwa hiyo simameni imara, wala msikubali kufungwa tena chini ya nira ya utumwa.

Kwa hiyo, ndugu, endeleeni kusimama imara, na myashike kwa nguvu mapokeo tuliyowafundisha, iwe tuliyasema ana kwa ana au tuliyaandika katika barua yetu.