Mistari ya Biblia Kuhusu Imani ya Familia
Mistari 7 ya Biblia kuhusu Imani ya Familia ya kusoma, kutafakari, na kuikariri.
Naikumbuka imani yako isiyo na unafiki, ambayo ilikaa kwanza ndani ya bibi yako Loisi na ndani ya mama yako Eunike, nami nina hakika kwamba sasa inakaa ndani yako pia.
Ikiwa kumtumikia BWANA kunaonekana vibaya kwenu, basi fanyeni uchaguzi wenu leo. Mtamtumikia nani? Miungu ambayo babu zenu waliitumikia upande wa pili wa Mto, au miungu ya Waamori ambao sasa mnaishi katika nchi yao? Mimi na watu wa nyumbani mwangu tutamtumikia BWANA.”
Yaweke karibu na moyo wako maneno haya ninayokuamuru leo. Wafundishe watoto wako kwa bidii, na uyazungumze ukiwa umeketi nyumbani au ukiwa safarini, wakati wa kulala na wakati wa kuamka.
Wakamjibu, “Mwamini Bwana Yesu, nawe utaokolewa, wewe pamoja na watu wa nyumbani mwako.”
Hatutawaficha watoto wao mambo hayo; tutawapokeza wale watakaokuja baada yetu matendo ambayo kwa ajili yake BWANA husifiwa, nguvu zake, na maajabu aliyoyatenda.
Ni lazima aisimamie vizuri nyumba yake mwenyewe, na ahakikishe kwamba watoto wake wanamtii na wana heshima kwa kila namna. (Mtu asipojua kuisimamia nyumba yake mwenyewe, ataweza kulitunzaje kanisa la Mungu?)
Nimemteua ili awaagize watoto wake na jamaa yake baada yake kuifuata njia ya BWANA, wakitenda yaliyo mema na ya haki. Hivyo ndivyo BWANA atakavyomtimizia Abrahamu yale aliyosema juu yake.”