Isaayyaas 12

Oromo — Hiikkaa Ammayyaa Banamaa Haaraa (Biblica)

¹Ati gaafas akkana jetta: “Yaa Waaqayyo, ati natti aartee turte; aariin kees narraa deebiʼeera; na jajjabeessiteertaatii sin galateeffadha.

²Dhugumaan Waaqni fayyina koo ti; ani isa nan abdadha; hin sodaadhus. Waaqayyo, Waaqayyo mataan isaa, jabinaa fi faarfannaa koo ti; inni fayyina koo taʼeera.”

³Isin burqaa fayyinaa keessaa gammachuudhaan bishaan waraabbattu.

⁴Isin bara sana keessa akkana jettu: “ Waaqayyoof galata galchaa; maqaa isaa waammadhaa; waan inni hojjete sabootatti beeksisaa; akka maqaan isaa ol ol jedhe lallabaa.

⁵Inni waan ulfina qabu hojjeteeraatii Waaqayyoon faarfadhaa; wanni kun addunyaa hunda keessatti haa beekamu.

⁶Yaa saba Xiyoon, Qulqullichi Israaʼel isin gidduutti guddaadhaatii sagalee ol fudhadhaatii gammachuudhaan faarfadhaa.”

Isaayyaas

Open the interactive reader to switch translations, adjust type, and mark verses — or browse verses by topic.