Mavesi a m'Baibulo Onena za Kufuwulira kwa Mulungu
Mavesi 8 a m'Baibulo onena za Kufuwulira kwa Mulungu oti muwerenge, musinkhasinkhe, ndi kuloweza.
Olungama amafuwula, ndipo Yehova amawamva; Iye amawalanditsa ku mavuto awo onse.
Mʼmasautso anga ndinapemphera kwa Yehova; ndinalirira kwa Mulungu wanga kuti andithandize. Ali mʼNyumba yake, anamva mawu anga; kulira kwanga kunafika pamaso pake ndi mʼmakutu mwake.
Ndimafuwulira kwa Yehova mʼmasautso anga, ndipo Iye amandiyankha.
Iye anati: “Pamene ndinali mʼmavuto anga ndinayitana Yehova, ndipo Iye anandiyankha. Ndili ku dziko la anthu akufa ndinapempha thandizo, ndipo Inu munamva kulira kwanga.
Yehova ali pafupi ndi onse amene amamuyitana, onse amene amamuyitana Iye mʼchoonadi.
Mofatsa ndinadikira Yehova Iye anatembenukira kwa ine ndipo anamva kulira kwanga.
Pa tsiku la mavuto anga ndidzayitana Inu, pakuti Inu mudzandiyankha.
Ndinafuwulira Mulungu kupempha thandizo; ndinafuwula mokweza kwa Mulungu kuti anditcherere khutu.