Mistari ya Biblia Kuhusu Enendeni katika Upendo
Mistari 13 ya Biblia kuhusu Enendeni katika Upendo ya kusoma, kutafakari, na kuikariri.
Acheni upendo uongoze mwenendo wenu, kama Kristo alivyotupenda, akajitoa kwa ajili yetu kuwa toleo na dhabihu kwa Mungu, harufu nzuri iliyompendeza.
Sisi wenyewe tumekuja kuujua upendo ambao Mungu anao kwetu, nasi tunauamini. Mungu ni upendo. Yeyote anayekaa katika upendo anakaa ndani ya Mungu, na Mungu anakaa ndani yake.
Kuweni wanyenyekevu na wapole kwa kila namna, na wavumilivu, mkichukuliana kwa upendo.
Lolote mnalofanya, lifanyeni kwa upendo.
Mkiwa na upendo kwa kila mmoja, kwa hili kila mtu atajua kwamba ninyi ni wanafunzi wangu.”
Upendo haumdhuru jirani, na kwa hiyo upendo ndio unaotimiza sheria.
Rafiki zangu wapendwa, tuendelee kupendana, kwa maana chanzo cha upendo ni Mungu; kila anayependa amezaliwa na Mungu na anamjua. Mtu asiyependa hajawahi kumjua Mungu, kwa maana Mungu ni upendo.
Juu ya hayo yote vaeni upendo, ambao huunganisha kila kitu na kukifanya kikamilike.
Upendo una subira; upendo una wema. Upendo hauna wivu, haujionyeshi, hauvimbi kwa kiburi. Hautendi mambo ya aibu, hautafuti faida yake wenyewe, haupandwi na hasira, wala hauweki hesabu ya makosa.
Ninyi mliitwa ili muwe huru, ndugu. Ila tu msiruhusu uhuru wenu uwe mwanya kwa asili ya dhambi. Badala yake, kwa upendo, kuweni watumwa ninyi kwa ninyi.
Upendo wenu uwe wa kweli, bila kujifanya. Lichukieni kabisa lililo baya, na mng’ang’anie lililo jema. Pendaneni kwa moyo kama ndugu wa familia moja; muwe wa kwanza kuheshimiana.
Kwa upande wenu, Bwana awajaze upendo hadi ufurike, upendo wa ninyi kwa ninyi na kwa watu wote, kama upendo tulio nao kwenu.
Upendo ndio huu: kwamba tuishi kwa kufuata amri zake. Na amri mliyoisikia tangu mwanzo ni hii: mnapaswa kuishi katika upendo.