Mistari ya Biblia Kuhusu Amri Iliyo Kuu
Mistari 10 ya Biblia kuhusu Amri Iliyo Kuu ya kusoma, kutafakari, na kuikariri.
Yesu akamjibu, “’Mpende Bwana Mungu wako kwa moyo wako mzima, kwa nafsi yako nzima, na kwa akili yako nzima.’ Amri hii ndiyo kuu, ya kwanza kuliko zote. Amri ya pili ni ya aina hiyo hiyo: ‘Mpende jirani yako kama unavyojipenda mwenyewe.’
Mpende BWANA Mungu wako kwa moyo wako wote, kwa nafsi yako yote, na kwa nguvu zako zote.
Nawe umpende Bwana Mungu wako kwa moyo wako wote, kwa nafsi yako yote, kwa akili yako yote na kwa nguvu zako zote.’
Amri hizi, “Usizini,” “Usiue,” “Usiibe,” “Usitamani,” pamoja na amri nyingine yoyote iliyopo, zote zimekusanywa katika neno hili moja: “Mpende jirani yako kama unavyojipenda mwenyewe.”
Sheria yote, na manabii pia, imesimama juu ya amri hizi mbili.”
Alijibu, “’Umpende Bwana Mungu wako kwa moyo wako mzima, kwa nafsi yako nzima, kwa nguvu zako zote na kwa akili yako nzima,’ na ‘umpende jirani yako kama unavyojipenda mwenyewe.’”
Sheria yote inafikia utimilifu wake katika neno hili moja: “Mpende jirani yako kama unavyojipenda mwenyewe.”
Na hii ndiyo amri tuliyopokea kutoka kwake: anayempenda Mungu anapaswa kumpenda ndugu yake pia.
Kama mnanipenda, mtashika amri nilizowapa.
Lakini jihadharini sana kutekeleza amri na sheria ambayo Musa mtumishi wa BWANA aliwapa: mpendeni BWANA Mungu wenu, tembeeni katika njia zake zote, shikeni amri zake, ambataneni naye, na mtumikieni kwa moyo wenu wote na kwa nafsi yenu yote.”