Mistari ya Biblia Kuhusu Upendo katika Matendo
Mistari 12 ya Biblia kuhusu Upendo katika Matendo ya kusoma, kutafakari, na kuikariri.
Wanangu wapendwa, tusipende kwa yale tunayosema au kwa ndimi zetu tu, bali kwa yale tunayotenda na katika kweli.
Tuseme ndugu wa kiume au wa kike hana nguo za kutosha wala chakula cha siku hiyo, na mmoja wenu akawaambia, “Nendeni kwa amani; mpate joto na mle mshibe,” lakini hamwapi mahitaji ya mwili. Inafaa nini?
Tuseme mtu ana mali ya kutosha ya ulimwengu huu, akamwona ndugu yake mwenye shida, lakini akamfungia moyo wake. Upendo wa Mungu unawezaje kukaa ndani ya mtu wa namna hiyo?
Ninyi mliitwa ili muwe huru, ndugu. Ila tu msiruhusu uhuru wenu uwe mwanya kwa asili ya dhambi. Badala yake, kwa upendo, kuweni watumwa ninyi kwa ninyi.
Mfalme atawajibu, ‘Kweli nawaambia, kila mara mlipomfanyia jambo hilo mmoja wa hawa ndugu zangu, hata yule mdogo kuliko wote, mlinifanyia mimi.’
Ndivyo ilivyo kwa imani: ikiwa haina matendo, imekufa ndani yake yenyewe.
Rafiki zangu wapendwa, kwa kuwa hivi ndivyo Mungu alivyotupenda, sisi pia tunapaswa kupendana.
Kwa hiyo, kila tunapopata fursa, tuwatendee wote mema, na zaidi ya yote wale walio wa familia ya imani.
Tena msisahau kuwa wema na kugawana mlicho nacho ninyi kwa ninyi: Mungu hufurahia dhabihu za aina hiyo.
Upendo wenu uwe wa kweli, bila kujifanya. Lichukieni kabisa lililo baya, na mng’ang’anie lililo jema.
Lakini Msamaria mmoja aliyekuwa akisafiri alifika pale yule mtu alipokuwa amelala. Alipomwona, moyo wake ulijaa huruma. Alimwendea, akamimina mafuta na divai kwenye majeraha yake, akayafunga. Kisha akampakia juu ya mnyama wake mwenyewe, akampeleka kwenye nyumba ya wageni, akamtunza.
Huenda nikagawa kila kitu nilicho nacho kuwa chakula cha wengine; huenda nikaukabidhi mwili wangu kwa moto; lakini kama sina upendo, hilo halinisaidii chochote.